చంద్రబాబు క్వాష్ పిటిషన్‌పై సుప్రీంకోర్టులో వాదనలు పూర్తి అయ్యాయి. ఇరుపక్షాల వాదనలు విన్న న్యాయస్థానం తీర్పు రిజర్వ్ చేసింది. సీఐడీ తరుఫున ముకుల్ రోహత్గీ వాదనలు వినిపించగా.. చంద్రబాబు తరుఫున సీనియర్ లాయర్ హరీష్ సాల్వే వాదనలు వినిపించారు. 17A చంద్రబాబుకు వర్తించదని ముకుల్ రోహత్గీ వాదించారు. 17A ప్రకారం గవర్నర్‌ అనుమతి కచ్చితంగా తీసుకోవాలని లాయర్ సాల్వే వాదించారు.
ఏపీలో రాజకీయ పరిస్థితులపై జనసేన పార్టీ నేతలతో పవన్ కళ్యాణ్ చెర్చించారు. ఐదో విడత వారాహి యాత్ర, టీడీపీ-జనసేన సమన్వయ కమిటీల ఉమ్మడి సమావేశంపై పార్టీ నేతలతో పవన్ చర్చించారు. రైతుల ఇబ్బందులు సాగునీరందక కృష్ణా, పశ్చిమ డెల్టాలో 4లక్షల ఎకరాలు ఎండిపోయిన అంశంపై పవన్ చర్చించారు. రైతుల పక్షాన నిలవాలని, అందుకు చేపట్టే పోరాటంపై ప్రణాళిక సిద్ధం చేయాలని సూచించారు. ఉద్యోగులకు సకాలంలో జీతాలు ఇవ్వలేని స్థితిలో రాష్ట్ర ఆర్థిక పరిస్థితి ఉందని పవన్ ఆరోపించారు.
తిరుమలలో శ్రీవేంకటేశ్వర స్వామివారి నవరాత్రి బ్రహ్మోత్సవాలు వైభవంగా జరుగుతున్నాయి. మూడో రోజు స్వామివారు ముత్యపు పందిరి వాహనంపై భక్తులకు దర్శనం ఇచ్చారు. శ్రీదేవి, భూదేవి సమేత శ్రీమలయప్పస్వామివారు ముత్యపుపందిరి వాహనంపై భక్తులకు అభయప్రదానం చేశారు. స్వామివారికి ప్రీతిపాత్రమైన ముత్యాలహారాలు , రత్నాల వల్ల కలిగే వేడిని, పుష్పాల వల్ల కలిగే సుగంధాన్ని తమలో ఇనుమడింపజేసుకొని ఉత్సాహాన్ని, ప్రశాంతతను పొందుతారు.
స్కిల్ డెవలప్‌మెంట్ కేసులో చంద్రబాబు దాఖలు చేసిన క్వాష్ పిటిషన్‌పై సుప్రీంకోర్టులో వాదనలు మొదలయ్యాయి. సీఐడీ తరఫున ముకుల్ రోహత్గీ వాదనలు వినిపిస్తూ.. ‘అవినీతి నిరోధక చట్టం సెక్షన్ 17A చంద్రబాబుకు వర్తించదు. స్కాం జరిగిన టైంలో సెక్షన్ 17ఏ లేదు. అవినీతిపరులకు సెక్షన్ 17ఏ రక్షణకవచం కాకుడదు. సెక్షన్ 17ఏ కేవలం నీతిమంతమైన ప్రభుత్వాధికారులు, ప్రజాప్రతినిధులకు మాత్రమే వర్తిస్తుంది’ అని కోర్టుకు విన్నవించారు. ఈ కేసులో చివరగా చంద్రబాబు తరఫు లాయర్ హరీష్ సాల్వే వాదనలు వినిపించాల్సి ఉంది.
ఫైబర్నెట్ కేసులో టీడీపీ అధినేత చంద్రబాబు బెయిల్ విచారణ సుప్రీంకోర్టు శుక్రవారానికి వాయిదా వేసింది. చంద్రబాబు న్యాయవాది కోర్టు విచారణ జరిగేవరకు అరెస్టు చేయవద్దన్న అభ్యర్థనను పొడిగించాలని కోరారు. అప్పటివరకు అరెస్టు చేయవద్దన్న అభ్యర్థనను అంగీకరించాలని ఆయన సుప్రీంకోర్టుకు సూచించారు. ఈ మేరకు శుక్రవారం వరకు ఫైబర్నెట్ కేసులో చంద్రబాబను అరెస్టు చేయోద్దని సుప్రీం ఆదేశించింది.
సీఎం జగన్ మరో సంక్షేమ పథకం ద్వారా నిధులు విడుదల చేసేందుకు సిద్ధమయ్యారు. జగనన్న చేదోడు పథకం ద్వారా లబ్ధిదారుల ఖాతాల్లోకి రూ.10 వేల చొప్పున జమ చేయనున్నారు. అక్టోబర్ 19న కర్నూలు జిల్లా ఎమ్మిగనూరు సభలో బటన్ నొక్కి నిధులు విడుదల చేయనున్నారు. ఈ పథకం కింద నాయి బ్రహ్మాణులు, రజకులు, దర్జీలకు ఏడాదికి రూ.10 వేల చొప్పున అందిస్తోంది. గత 3 ఏళ్ల నుంచి ఈ పథకం అమల్లో ఉంది. ఈసారి నాలుగో విడతగా వారి ఖాతాల్లో జగన్ డబ్బులు జమచేయనున్నారు.
స్కిల్ డెవలప్‌మెంట్ కేసులో చంద్రబాబు బెయిల్ పిటిషన్‌పై ఏపీ హైకోర్టు విచారణ జరిపింది. ఇరుపక్షాల వాదనలు విన్న న్యాయస్థానం తదుపరి విచారణను ఎల్లుండికి వాయిదా వేసింది. ఈరోజు సుప్రీంకోర్టులో ఇదే కేసుపై చంద్రబాబు క్వాష్ పిటిషన్ దాఖలు చేశారు. దీనిపై విచారణ జరగనుంది. సుదీర్ఘ వాదనల అనంతరం ఈ పిటిషన్‌పై సుప్రీం కోర్టు నేడు తీర్పు వెలువరించే అవకాశం ఉంది.
కంగనా రనౌత్ స్వీయ దర్శకత్వంలో తెరకెక్కిన ‘ఎమర్జెన్సీ’ విడుదల గురించి ఆమె అప్‌డేట్ ఇచ్చారు. ఈ సినిమాను మందుగా అనుకున్న సమయానికి నవంబర్ 24న విడుదల చేయడం లేదని పేర్కొన్నారు. కొన్ని అనివార్య కారణాల వల్ల ఈ చిత్రాన్ని వచ్చే ఏడాది జనవరిలో రిలీజ్ చేయనున్నట్లు స్పష్టం చేశారు. కాగా ఇటీవల చంద్రముఖి 2 సినిమా ద్వారా తెలుగు ప్రేక్షకుల ముందుకు వచ్చింది కంగనా. ఈ సినిమా బాక్సాఫీస్ వద్ద పెద్దగా ఆడకపోయినప్పటికీ ఆమె నటనకు మంచి మార్కులు అయితే పడ్డాయి.
శ్రీ సత్యసాయి జిల్లా తనకల్లులో దారుణ ఘటన వెలుగు చూసింది. ఓ ప్రభుత్వ పాఠశాల టీచర్.. పదోతరగతి చదువుతున్న విద్యార్థినిపై అత్యాచారానికి పాల్పడ్డాడు. కొద్ది నెలల క్రితం స్కూలులో వాటర్ తాగేందుకు విద్యార్థిని స్టాప్ రూంకు వెళ్లింది. అక్కడ ఒంటరిగా ఉన్న కీచక ఉపాద్యాయుడు బాలికను రేప్ చేశాడు. ఎవరికైన చెబితే చంపేస్తానని బెదిరించాడు. ఇలా పలుమార్లు అత్యాచారం చేశాడు. ఇటీవల బాలికకు కడుపు నొప్పి రాగా… ఆస్పత్రిలో మగబిడ్డకు జన్మనిచ్చింది. బాలిక ఫిర్యాదు మేరకు కేసు నమోదు చేసిన పోలీసులు ఆ టీచర్‌ను … Read more
విశాఖలో పర్యటనలో భాగంగా సీఎం జగన్ కీలక ప్రకటన చేశారు. డిసెంబర్‌ నాటికి విశాఖ రాబోతున్నట్లు వెల్లడించారు. ఇకపై అక్కడి నుంచే పరిపాలనా విభాగమంతా పనిచేస్తుందని తెలిపారు. విశాఖకు ఉజ్జ్వల భవిష్యత్‌ ఉందని చెప్పారు. త్వరలో విశాఖ మరింత అభివృద్ధి చెందబోతోందని పేర్కొన్నారు. ఇన్ఫోసిస్‌ రాకతో విశాఖ మరింత వేగంగా వృద్ధి చెందుతుందని అభిప్రాయపడ్డారు. డిసెంబర్‌ నాటికి తాను కూడా విశాఖకు రాబోతున్నానని సీఎం జగన్ వెల్లడించారు.
@2021 KTree