వాంఖడే స్టేడియంలో దిగ్గజ క్రికెటర్ సచిన్‌ తెందుల్కర్‌ విగ్రహావిష్కరణ జరగనుంది. రేపు ప్రపంచకప్‌లో భారత్, శ్రీలంక జరుగనుండగా.. ఒకరోజు ముందుగా నేడు సచిన్‌ విగ్రహాన్ని ఆవిష్కరించనున్నారు. సచిన్‌ 50 ఏళ్లు పూర్తిచేసుకున్న నేపథ్యంలో వాంఖడే స్టేడియంలో అతడి విగ్రహాన్ని ఏర్పాటు చేయాలని ఎంసీఏ నిర్ణయించింది. నిన్న ఈ విగ్రహానికి తుది మెరుగులు దిద్దారు. సీఎం ఏక్‌నాథ్‌ షిందే, సచిన్‌, బీసీసీఐ కార్యదర్శి జై షా తదితరులు విగ్రహావిష్కరణ కార్యక్రమంలో పాల్గొంటారు.
టీమిండియా స్టార్ బ్యాటర్ విరాట్ కోహ్లి ఆసక్తికర వ్యాఖ్యలు చేశారు. కెరీర్ ప్రారంభింలో తాను ఇన్ని సెంచరీలు, పరుగులు చేస్తానని అనుకోలేదని చెప్పారు. ‘సుదీర్ఘ కెరీర్, ప్రదర్శనలతో ఇన్ని సాధిస్తానని అనుకోలేదు. బాగా ఆడాలని ఎప్పుడూ కలలు కన్నాను. అలాగే జరుగుతుందని ఊహించలేదు. 12 ఏళ్ల అంతర్జాతీయ కెరీర్‌లో ఇన్ని సెంచరీలు, పరుగులు సాధిస్తానని అనుకోలేదు. క్లిష్ట పరిస్థితుల్లో విజయాలు అందించాలని భావించా. అందుకోసం కమ్రశిక్షణ, జీవనశైలికి సంబంధించి కొన్ని మార్పులు చేసుకున్నా’’ అని కోహ్లి చెప్పుకొచ్చాడు.
వన్డే వరల్డ్ కప్‌లో భాగంగా నేడు దక్షిణాఫ్రికా, న్యూజిలాండ్‌ తలపడనున్నాయి. ఈ మ్యాచ్‌లో దక్షిణాఫ్రికా గెలిస్తే.. 12 పాయింట్లతో ఆ జట్టు దాదాపుగా సెమీఫైనల్‌ చేరినట్లే. ఇప్పటివరకు దక్షిణాఫ్రికా, న్యూజిలాండ్‌ చాలా వరకు మెరుగైన బ్యాటింగ్ ప్రదర్శన చేశాయి. మొత్తం మీద పాయింట్ల పట్టికలో రెండు, మూడో స్థానాల్లో ఉన్న దక్షిణాఫ్రికా, న్యూజిలాండ్‌ మధ్య పోరు హోరాహోరీగా సాగుతుందని అంచనా. 2019 ప్రపంచకప్‌ తర్వాత ఈ రెండు జట్లు వన్డే మ్యాచ్‌లో తలపడడం ఇదే తొలిసారి కావడం విశేషం.
ఈ వన్డే ప్రపంచకప్‌లో అఫ్గానిస్థాన్‌ మూడు విజయాలు సాధించింది. అఫ్గాన్, ఇంగ్లాండ్‌, పాకిస్థాన్, శ్రీలంకను ఓడించింది. ఒకప్పుడు ఛాంపియన్‌గా నిలిచిన జట్టపై ఆఫ్గాన్ సంచలన విజయాలను నమోదు చేసింది. నిన్న లంకపై విజయం సాధించి పాయింట్ల పట్టికలో అఫ్గాన్ ఐదో స్థానంలో నిలిచింది. ఆస్ట్రేలియా, సౌతాఫ్రికాతో అఫ్గాన్ ఇంకా మ్యాచ్‌లు ఆడాల్సి ఉంది. ఈ మూడు మ్యాచ్‌ల్లో ఆ జట్టు భారీ తేడాతో విజయం సాధిస్తే.. ఆస్ట్రేలియా ఆడాల్సిన మూడు మ్యాచ్‌ల్లో రెండింటిలో గెలిచినా అఫ్గాన్ సెమీస్‌కు చేరే అవకాశం ఉంది.
నేడు బంగ్లాదేశ్‌తో జరిగిన మ్యాచ్‌లో పాకిస్థాన్ విజయం సాధించింది. బంగ్లాపై పాక్ 7 వికెట్ల తేడాతో గెలుపొందింది. తొలుత బ్యాటింగ్ చేసిన బంగ్లా 205 పరుగులు చేసింది. అనంతరం ఛేజింగ్‌కు దిగిన పాక్ లక్ష్యాన్ని కేవలం 32.3 ఓవర్లలోనే పూర్తి చేసింది. పాక్ బ్యాటర్లు అబ్దుల్లా షఫీక్‌ (68), ఫకర్‌ జమాన్‌ (81) అర్ధశతకాలతో రాణించి జట్టుకు విజయాన్ని అందించారు. ఈ విజయంతో పాక్ పాయింట్ల పట్టికలో ఐదో స్థానానికి ఎగబాకింది.
ప్రపంచకప్‌లో భాగంగా నేడు పాకిస్థాన్, బంగ్లాదేశ్‌తో తలపడుతోంది. ఈ మ్యాచ్‌లో టాస్‌ గెలిచి బ్యాటింగ్ చేసిన బంగ్లాదేశ్‌ 45.1 ఓవర్లలో 204 పరుగులకు ఆలౌటైంది. లిట్టన్ దాస్‌ (45), మహ్మదుల్లా (56), షకీబ్ అల్ హసన్ (43), హసన్ మిరాజ్ (25) పరుగులు చేశారు. మిగిలిన బ్యాటర్లు సింగిల్ డిజిట్ స్కోరుకే పరిమితమయ్యారు. పాక్ బౌలర్లలో షాహీన్ అఫ్రిది 3, మహ్మద్‌ వసీమ్‌ 3, హారిస్ రవూఫ్‌ 2, ఉసామా మీర్, ఇఫ్తికార్ అహ్మద్‌ ఒక్కో వికెట్ పడగొట్టారు.
టీమిండియా బౌలర్ బుమ్రా ఆసక్తికర వ్యాఖ్యలు చేశాడు. ప్రపంచకప్‌ ముందు చాలా కాలం జట్టుకు దూరమైయ్యానని తెలిపాడు. ‘ఆ సమయంలో ఇక తన కెరీర్ ముగిసినట్లేనని పలువురు భావించారు. నా భార్య స్పోర్ట్స్‌ మీడియాలో పనిచేస్తోంది. అందువల్ల.. నా కెరీర్‌పై వ్యక్తమైన అనేక అనుమానాలు నాకు తెలిశాయి. అయితే వాటిని నేను పట్టించుకోలేదు. గాయం నుంచి కోలుకుని తిరిగి వచ్చినప్పుడు నాకు జట్టులో మంచి అవకాశాలు లభించాయి. సానుకూల దృక్పథంతో ముందుకు సాగుతున్నాను’ అని బుమ్రా చెప్పుకొచ్చాడు.
నవంబర్‌ 5న దక్షిణాఫ్రికాతో టీమిండియా తలపడనుంది. అదే రోజు కోహ్లీ పుట్టినరోజు కావడంతో దీనిపై పాక్ బ్యాటర్ మహమ్మద్ రిజ్వాన్ స్పందించాడు. విరాట్‌కు బర్త్‌డే శుభాకాంక్షలు చెబుతూ ఆ రోజు కోహ్లీ సెంచరీ చేయాలని ఆకాంక్షించాడు. ‘ఈ బర్త్‌ డే కోహ్లీకి మధుర జ్ఞాపకంగా నిలిచిపోవాలి. పుట్టినరోజున 49వ వన్డే సెంచరీని అందుకుంటాడని ఆశిస్తున్నా. ఈ ప్రపంచకప్‌లో కోహ్లీ 50వ వన్డే సెంచరీ కూడా సాధించాలి’ అని రిజ్వాన్ అన్నాడు. ప్రస్తుతం వన్డేల్లో 48 సెంచరీలతో ఉన్న కోహ్లీ మరో శతకం చేస్తే వన్డేల్లో … Read more
శ్రీలంక వికెట్ కీపర్ కుశాల్ మెండిస్ వికెట్లపై ప‌డిపోయాడు. సోమ‌వారం అఫ్గానిస్థాన్‌తో జరిగిన మ్యాచ్‌లో ఈ ఘ‌ట‌న జ‌రిగింది. అఫ్గ‌న్ ఇన్నింగ్స్ సమయంలో బంతిని అందుకునే క్ర‌మంలో బ్యాలెన్స్ త‌ప్పిన మెండిస్ అమాంతం వికెట్ల‌ను నెట్టుకుంటూ కింద పడ్డాడు. ప్రస్తుతం ఇందుకు సంబంధించిన వీడియో నెట్టింట తెగ వైర‌ల్ అవుతోంది. ఈ వీడియోని చూసిన నెటిజన్లు ఫన్నీగా కామెంట్స్‌ చేస్తున్నారు. కాగా, ఈ మ్యాచ్‌లో అఫ్గాన్ చేతిలో శ్రీలంక ఘోర ఓటమి చవిచూసింది. నాలుగు ఓటములతో ఆరో స్థానానికి పడిపోయింది. https://www.instagram.com/reel/CzB1oc-vufc/?utm_source=ig_web_copy_link
ప్రపంచకప్‌లో టీమిండియా అద్భుతంగా ఆడుతోందని దక్షిణాఫ్రికా మాజీ కెప్టెన్ గ్రేమ్ స్మిత్ ప్రశంసించాడు. టోర్నీలో ఇప్పటివరకూ ఎటువంటి కఠినమైన పోటీని భారత్ ఎదుర్కోలేదని పేర్కొన్నాడు. ‘ఇంగ్లాండ్‌పై 230 పరుగులు చేసిన తర్వాత టీమిండియా కష్టాల్లో పడ్డట్లు అనిపించింది. కానీ బౌలర్లు అద్భుత ప్రదర్శన చేయడంతో తేలిగ్గా విజయం సాధించింది. గత కొన్నేళ్లుగా స్వదేశంలో భారత్ బలమైన ప్రత్యర్థిగా ఉంది. సొంత గడ్డపై టీమిండియాను ఓడించడం ఎప్పుడూ కష్టమే’ అని స్మిత్ అన్నాడు.
@2021 KTree