‘భగవంత్ కేసరి’ చిత్రం ప్రమోషన్స్‌లో భాగంగా శ్రీలీల ఆసక్తికర విషయాలను పంచుకున్నారు. షూటింగ్‌లో బాలకృష్ణను చూడగానే భయమేసిందన్నారు. ‘ఆయన్ను కలిసి మాట్లాడగానే టెన్షన్ అంతా మాయమైపోయింది. చిన్న పిల్లాడి మనస్తత్వం ఆయనది. స్వీట్ పర్సన్, ఈ సినిమాలో తొలి షాట్‌లొ నేను పుషప్స్ చేయలేకపోతుంటే ఆయన పట్టుబట్టి చేయిస్తుంటారు. చిత్రీకరణ పూర్తయిన తర్వాత నిజంగా నీకు పుషప్స్ చేయడం రాదా? బాలకృష్ణ అడిగారు. దర్శకుడే అలా చేయమన్నారని సమాధానమిచ్చా’ అని శ్రీలీల చెప్పుకొచ్చారు.
రవితేజ హీరోగా చేస్తున్న ‘టైగర్ నాగేశ్వరరావు’ చిత్రంలో నటి రేణూదేశాయ్ కీలక పాత్ర పోషించిన విషయం తెలిసిందే.. అందులో ఆమె గుర్రం జాషువా కూమార్తె ‘హేమలత లవణం’గా కనిపించబోతున్నారు. ఈ పాత్రపై రేణూ స్పందిస్తూ.. దర్శక, నిర్మాతల వల్లే ఈ సినిమాతో రీ ఎంట్రీ ఇస్తున్నానని పేర్కొన్నారు. ఏదో జన్మలో పుణ్యం వల్లే ఈ పాత్ర పోషించే అవకాశం దక్కిందని చెప్పారు. తన పోస్టర్ చూసి అకీరా ఎంతో సంతోషించాడని రేణూ చెప్పుకొచ్చారు.
సినీ రంగంలో కష్టపడి పనిచేస్తేనే ఫలితం ఉంటుందని హీరో చిరంజీవి అన్నారు. ఓ పుస్తకావిష్కరణలో ఆయన మాట్లాడుతూ.. ‘ప్రతి మనిషి నిరంతరం ప్రయత్నిస్తూనే ఉండాలి. సినిమాల్లో ఎంతో కష్టపడి ఒళ్లు హూనం చేసుకుంటేనే నాకు తృప్తిగా ఉంటుంది కష్టపడి డ్యాన్స్‌లు, ఫైట్లు చేయాలని ఎప్పుడూ అనుకుంటూ ఉంటాను. మనం ఆడాలి, నిజంగానే ఫైట్లు చేయాలి. ఒళ్లు హూనం చేసుకోవాలి. అలాచేయకపోతే దర్శక-నిర్మాతలకు, సినిమా చూసే ప్రేక్షకులకు తృప్తి ఉండదు. అలాగే నాకు కూడా తృప్తిగా ఉండదు. అందుకే కష్టపడాలి’ అని చిరంజీవి చెప్పుకొచ్చారు.
టాలీవుడ్ నటుడు మహేష్‌బాబు కుమార్తె సితార సోషల్ మీడియాలో ఆసక్తికర పోస్ట్ పెట్టారు. సినిమా తన డీఎన్‌ఏలోనే ఉందన్నారు. ‘నా జీవితంలో నటనకు ప్రత్యేకమైన స్థానం ఉంది. నా డీఎన్‌ఏలో ఇదీ ఒక భాగం. లెజండరీ సూపర్‌స్టార్‌ కృష్ణగా ప్రపంచవ్యాప్తంగా గుర్తింపు తెచ్చుకున్న మా తాతగారు మమ్మల్ని ఎంతగానో ప్రభావితం చేశారు. ఆయన వారసత్వంలో భాగమైనందుకు ఎంతో గర్వపడుతున్నా’ అని సితార పోస్ట్ పెట్టారు. ప్రస్తుతం ఈ పోస్ట్ నెట్టింట వైరల్‌గా మారింది.
తన రిలేషన్‌షిప్, పెళ్లి విషయంపై హీరోయిన్ మృణాల్ ఠాకూర్ ఆసక్తికర విషయాలను పంచుకున్నారు. పెళ్లి విషయంలో కుటుంబసభ్యుల నుంచి ఒత్తిడి ఉందని చెప్పుకొచ్చారు. ‘ఇకనైనా పెళ్లి చేసుకోమని అడుగుతున్నారు. నా కోసం పెళ్లి కొడుకుని వెతికేపనిలో ఉన్నారు. ఇప్పుడప్పుడే నాకు పెళ్లిపై ఆసక్తిలేదు. నాకు కెనడియన్ నటుడు కీను రీవ్స్ అంటే ఇష్టం అతడి లాంటి వ్యక్తి కోసం నేను ఎదురుచూస్తున్నా’ అని మృణాల్ చెప్పుకొచ్చారు.
చంద్రబాబు అరెస్టుపై జూనియర్ ఎన్టీఆర్ స్పందించక పోవడంపై తీవ్ర చర్చ నడుస్తోంది. ఈ క్రమంలో దీనిపై ఎన్టీఆర్ సన్నిహితుడు, నటుడు రాజీయ్ కనకాల స్పందించాడు. ఎన్టీఆర్ సినిమాలతో బిజీ బిజీగా ఉన్నారని తెలిపారు. అందుకే ఏపీ రాజకీయాలపై స్పందించక పోయి ఉంటాడని అభిప్రాయపడ్డారు. ప్రస్తుతం ఎన్టీఆర్ ‘దేవర’ సినిమాలో నటిస్తున్నారని చెప్పారు. తన పూర్తి సమయాన్నిసినిమాకే కేటాయిస్తున్నాడని చెప్పుకొచ్చారు. ప్రస్తుత పరిస్థితిల్లో సినిమాపైనే దృష్టి పెట్టాలని ఎన్టీఆర్ భావించి ఉంటారని అనుకుంటున్నానని రాజీవ్ చెప్పుకొచ్చాడు.
హీరోయిన్ సమంత హాస్పిటల్ బెడ్డుపై ఉన్న ఫొటోను ఇన్‌స్టాలో షేర్ చేసింది. అందులో చేతికి సెలైన్ పెట్టించుకుంటూ కనిపించింది. అలాగే మందుల వల్ల కలిగే ప్రయోజనాలను గురించి మరో పోస్ట్ పెట్టింది. తనకు ఈ డ్రిప్సే ఇమ్యూనిటీని అందిస్తాయని చెప్పింది. ఇమ్యూనిటీ వల్ల కలిగే లాభాలను వివరిస్తూ.. రక్త కణాల ఉత్పత్తి, రోగ నిరోధక శక్తి పెరుగుదల, హృదయానికి రక్త సరఫరా ఈ డ్రిప్పే ఉపయోగపడతాయి అంటూ సమంత చెప్పుకొచ్చింది. ఆమె పోస్ట్‌పై నెటిజన్లు బిన్న రకాలుగా స్పందిస్తూ కామెంట్లు చేస్తున్నారు.
సూపర్ స్టార్ మహేష్ బాబు లెటెస్ట్ ఫొటో ఒకటి సోషల్ మీడియాలో వైరల్‌గా మారింది. జిమ్ చేస్తూ ఫుల్ యాక్షన్ మోడ్‌లో మహేష్ కనిపించాడు. కాగా ప్రస్తుతం త్రివిక్రమ్ డైరెక్షన్‌లో వస్తున్న గుంటూరు కారం సినిమా షూటింగ్ ఫైనల్ స్టేజ్‌లో ఉంది. ఈ చిత్రానికి తమన్ మ్యూజిక్ అందించాడు. హారిక అండ్ హాసిని క్రియేషన్స్ గుంటూరు కారం సినిమాను నిర్మిస్తోంది. ఈ చిత్రం తర్వాత మహేష్, రాజమౌళిలో సినిమా చేయనున్నాడు.
బిగ్ బాస్ హౌస్‌లో ఈ వారం నామినేషన్స్ లిస్ట్‌లో ఉన్న శోభాశెట్టికి అతి తక్కువ ఓటింగ్ రావడంతో ఆమె ఎలిమినేట్ కానుందనే చర్చ జరుగుతోంది. శోభాశెట్టితో పాటు యావర్, అశ్వినీ, అమర్ దీప్, పావని, పూజా మూర్తి, తేజ ఈ వారం నామినేషన్స్‌లో ఉన్నారు. యావర్‌కు టాప్ ఓటింగ్ వస్తుండగా.. అమర్ దీప్, తేజ తర్వాతి స్థానాల్లో ఉన్నారు. పూజా మూర్తి, శోభాశెట్టికి తక్కువ ఓటింగ్ వస్తోంది. దీంతో అతి తక్కువ ఓటింగ్ వస్తున్న శోభాశెట్టిని బిగ్ బాస్ హౌస్ నుంచి పంపించనున్నట్లు తెలుస్తోంది.
బేబీ సినిమా డైరెక్టర్ సాయి రాజేష్‌ ఇనోవేటివ్ ఇంటర్నేషనల్ ఫిల్మ్ ఫెస్టివల్‌లో ట్రెండింగ్ ఐకానిక్ దర్శకునిగా అవార్డు గెలిచాడు. యంగ్ హీరో దేవరకొండ ఆనంద్, కుర్ర హీరోయిన్ వైష్ణవి చైతన్య, విరాజ్ ప్రధాన పాత్రల్లో బేబీ సినిమా తెరకెక్కిన సంగతి తెలిసిందే. ఇక ఈ చిత్రానికి విజయ్ బుల్గానిన్ సంగీతం అందించారు. ఓటీటీలోనూ ఈ సినిమా మంచి ఆదరణ పొందింది. ఇనోవేటివ్ అవార్డు రావడంతో మరిన్నీ అవార్డులు బేబీ మూవీ సొంతం చేసుకునేందుకు మార్గం సుగమం అయింది.
@2021 KTree