ఐఏఎస్ అధికారులపై ఏపీ హైకోర్టు ఘాటు వ్యాఖ్యలు చేసింది. కోర్టు ఉత్తర్వులంటే లెక్క లేదా? ఏమవుతుందిలే అని బరితెగింపా? అని వ్యాఖ్యానించింది. ఉపాధిహామీ పథకం బిల్లుల చెల్లింపు కేసులో విచారణ సందర్ఫంగా వ్యాఖ్యలు చేసింది. 70 కోర్టు ధిక్కరణ కేసుల్లో హాజరైన IASలు జీకే ద్వివేది, ఎస్.ఎస్. రావత్‌ హాజరుకావటంపై విస్మయం వ్యక్తం చేసింది. “ రోజూ మిమ్మల్ని చూస్తుంటే చికాకు వేస్తోంది. ఏపీ హైకోర్టులోనే ధిక్కరణ కేసులు ఎక్కువగా ఉన్నాయి. అధికారుల తీరువల్లే ఈ పరిస్థితి” అని పేర్కొంది.

ఆంధ్రప్రదేశ్‌లో ప్రభుత్వ పాఠశాలల్లో గ్రామ సచివాలయాలు, ఇతర నిర్మాణాలు చేపట్టడంపై హైకోర్టు ఆగ్రహం వ్యక్తం చేసింది. న్యాయస్థానం ఆదేశాలు ధిక్కరించినందుకు సీఎస్ జవహార్ రెడ్డి కోర్టు ముందు హాజరుకావాలని ఆదేశించింది. 2020 జూన్‌లో ఇచ్చిన ఆదేశాలను పక్కన పెట్టి నిర్మాణాలు చేపట్టడం సరికాదని న్యాయమూర్తి వ్యాఖ్యానించారు. వాటికి చెల్లింపులు కూడా అక్రమేనని అన్నారు. నిర్మాణాల తొలగింపునకు సంబంధించి పురోగతి లేదని అసహనం వ్యక్తం చేశారు.