• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • క్షమాపణలు చెప్పిన సోనూ సూద్

    కరోనా సమయంలో ఎంతోమందికి బాసటగా నిలిచి ఆదర్శప్రాయుడయ్యారు నటుడు సోనూ సూద్. అయితే, భారతీయ రైల్వేకు ఓ విషయంలో సోనూ సూద్ క్షమాపణలు చెప్పారు. రైలులో మెట్లపై కూర్చుని ప్రయాణిస్తున్న [వీడియో](url) ఆధారంగా.. రైల్వే శాక సోనూ సూద్‌ని మందలించింది. ‘సోనూ గారూ, మీరు ఎందరికో ఆదర్శప్రాయులు. అలా మెట్లపై కూర్చిన ప్రయాణించడం ప్రమాదకరం. దీనివల్ల తప్పుడు సందేశాన్ని ఇచ్చినట్లు అవుతుంది’ అని ట్విటర్‌లో పోస్ట్ చేయగా.. రైల్వేకు క్షమాపణలు చెబుతూ సోనూ సూద్ బదులిచ్చారు. ‘ఎంతో మంది పేదల బతుకులు ఈ డోర్‌ … Read more

    కొత్త వేరియంట్లకు కేంద్రంగా చైనా!

    కోవిడ్ కొత్త వేరియంట్లకు చైనా కేంద్రంగా మారబోతోందని ఆరోగ్య నిపుణులు అంచనా వేస్తున్నారు. తొలిసారిగా కోవిడ్ ప్రబలింది చైనాలోనే. ఇటీవల ప్రాణాంతకంగా మారిన బీఎఫ్7 వేరియంట్లు బయటపడింది కూడా ఆ దేశంలోనే. దీంతో భవిష్యత్తులో మరిన్ని వేరియంట్లు అక్కడి నుంచి ఉద్భవించే ప్రమాదం ఉందని నిపుణులు హెచ్చరిస్తున్నారు. కొత్తవారికి వైరస్ సోకినప్పుడు అవి త్వరగా ఉత్పరివర్తనం(మ్యుటేషన్) చెందుతాయట. ఇలా చాప కింద నీరులా కరోనా వ్యాప్తికి పరోక్షంగా చైనా కారణమవుతోందని ఆవేదన వ్యక్తం చేస్తున్నారు.

    అలర్ట్.. వచ్చే 40 రోజులు జాగ్రత్త!

    రానున్న 40 రోజులు అలర్ట్‌గా ఉండాలని ప్రజలకు కేంద్రం సూచనలు చేసింది. జనవరిలో కేసుల సంఖ్య ఒక్కసారిగా పెరిగే అవకాశం ఉందని వెల్లడించింది. గత అనుభవాల దృష్ట్యా విదేశీ ప్రయాణాల ఆంక్షలపై దృష్టి సారించింది. ముఖ్యంగా తూర్పు ఆసియా దేశాల నుంచి వచ్చే ప్రయాణికులకు ఆర్టీపీసీఆర్ పరీక్షలు, ఎయిర్ సువిధ దరఖాస్తును తప్పనిసరి చేసే అవకాశం ఉన్నట్లు తెలుస్తోంది. చైనాతో పాటు జపాన్, థాయిలాండ్, దక్షిణ కొరియా, హాంగ్‌కాంగ్, సింగపూర్ దేశాలకు ఈ నియమాన్ని వర్తింపజేయనున్నట్లు సమాచారం. కిందటి సారి కూడా ఈ దేశాల్లో … Read more

    బీఎఫ్7 ప్రాణాంతకం కాదు: ఏఐజీ ఛైర్మన్

    ఒమిక్రాన్ బీఎఫ్7 వేరియంట్ ప్రాణాంతకం కాదని ఏఐజీ ఆసుపత్రి ఛైర్మన్ డా.నాగేశ్వర్ రెడ్డి వెల్లడించారు. భారత్‌లో ఈ వేరియంట్ అక్టోబరులోనే వెలుగు చూసిందని చెప్పారు. ‘దేశంలో నమోదవుతున్న కేసుల్లో అధిక శాతం ఎక్స్ బీవీ రకానికి చెందినవే. బీఎఫ్ 7 వేరియంట్ ఒక్కరి నుంచి 10మందికి వ్యాపిస్తుంది. అక్టోబరులోనే ఇవి సోకాయి. అయినా పెద్దగా ప్రభావం చూపలేదు. వచ్చే మూడేళ్ల దాకా బూస్టర్ డోసు వేసుకుంటే మంచిది. బూస్టర్ డోస్‌గా ఒకే రకం వ్యాక్సిన్ కాకుండా భిన్నమైన టీకాకు ప్రాధాన్యమివ్వాలి’ అని డా.నాగేశ్వర్ రెడ్డి … Read more

    కోవిన్ యాప్‌లో బూస్టర్ డోస్ రిజిస్ట్రేషన్

    దేశంలోకి ఒమిక్రాన్ బీఎఫ్7 వేరియంట్‌ ప్రవేశించడంతో కేంద్రం అప్రమత్తమైంది. బహిరంగ ప్రదేశాల్లో మాస్కులు ధరించాలని ప్రజలను కోరింది. అనంతరం, అర్హులైన వారు బూస్టర్ డోసు వేసుకోవాలని సూచించింది. కోవిన్ యాప్ ద్వారా బూసర్ట్ డోసు కోసం రిజిస్ట్రేషన్ చేసుకోవచ్చని వెల్లడించింది. యాప్‌లో లాగిన్ అయ్యాక మీ ఏరియా పిన్‌కోడ్‌ని ఎంటర్ చేస్తే సమీపంలోని కోవిడ్ వ్యాక్సినేషన్ కేంద్రాలను చూపిస్తోంది. అందులోని అందుబాటులో ఉండే సమయం, పనివేళలను బట్టి మీరు వెళ్లి ప్రికాషనరీ డోసు వేసుకోవచ్చు.

    భారత్‌లో అదుపులోనే పరిస్థితి: వైరాలజిస్టు

    ఇతర దేశాలతో పోలిస్తే భారత్‌లో పరిస్థితి అదుపులోనే ఉందని ప్రముఖ వైరాలజిస్టు గగన్‌దీప్ కాంగ్ స్పష్టం చేశారు. దేశంలో బయటపడ్డ వేరియంట్ల వల్ల తక్కువ కేసులే నమోదవుతున్నాయని ఆమె చెప్పారు. ‘భారత్‌లో చింతించాల్సిన పరిస్థితి లేదు. ఒమిక్రాన్ సబ్ వేరియంట్లు XBB, BF7 భారత్‌లో బయటపడ్డాయి. కానీ, కేసులు అంతగా నమోదు కాలేదు. ఇంతకంటే అత్యధిక వ్యాప్తి కలిగిన వేరియంట్లు దేశంలో లేవు. కాబట్టి భారీగా కేసుల పెరుగుదల ఉండబోదు. మన దేశం చవిచూసిన విషాదాన్ని ప్రస్తుతం చైనా అనుభవిస్తోంది’ అని గగన్‌దీప్ చెప్పారు.

    ప్రజలు మాస్కు ధరించాలి: ప్రధాని

    దేశ ప్రజలందరూ మాస్కును ధరించాలని ప్రధాని మోదీ కోరారు. కరోనా నిర్ధారణ పరీక్షలను పెంచాలని అధికారులకు సూచించారు. రాష్ట్రాలు అప్రమత్తంగా ఉండాలని ఆయన తెలిపారు. కేంద్ర మంత్రులతో నిర్వహించిన ఉన్నతస్థాయి సమీక్షలో మోదీ పలు సూచనలు చేశారు. ‘ఆసుపత్రుల్లో అనువైన సౌకర్యాలను కల్పించండి. వెంటిలేటర్లు, ఆక్సిజన్ సిలిండర్లు, ఇతర సౌకర్యాలు, మానవ వనరుల కొరత ఉండకుండా చూడండి. నిర్ధారణ పరీక్షల్ని పెంచండి’ అని సూచించారు. కాగా, బీఎఫ్7 వేరియంట్ సోకిన వారు క్రమంగా కోలుకుంటున్నట్లు తెలుస్తోంది. దేశంలో ఇప్పటివరకు 4 కేసులు నమోదయ్యాయి.

    కొత్త వేరియంట్‌పై మంత్రి సమీక్ష

    TS: దేశంలోకి కరోనా కొత్త వేరియంట్ ప్రవేశించడంతో కేంద్రం అలర్ట్ అయింది. ఈ మేరకు తగు జాగ్రత్తలు పాటించాలని రాష్ట్రాలను అప్రమత్తం చేసింది. ఈ నేపథ్యంలో కరోనా పరిస్థితులపై సాయంత్రం 7 గంటలకు ఆర్థిక, వైద్యారోగ్య మంత్రి హరీశ్ రావు ఉన్నత స్థాయి సమీక్ష నిర్వహించనున్నారు. కోవిడ్ నియంత్రణకు తీసుకోవాల్సిన జాగ్రత్తలపై వీరు చర్చించి.. విధివిధానాలు రూపొందించే అవకాశం ఉంది. ఈ సమావేశంలో ఆరోగ్య శాఖ సెక్రెటరీ రిజ్వీ సహా అన్ని విభాగాల ఉన్నతాధికారులు పాల్గొనే అవకాశం ఉంది.

    సర్టిఫికెట్ ఉంటేనే తాజ్‌మహల్ సందర్శన

    దేశంలో పర్యాటక రంగంపై ఆంక్షలు షురూ అయ్యాయి. కరోనా కొత్త వేరియంట్ కేసులు దేశంలో నమోదవుతున్న దృష్ట్యా తాజ్‌మహల్ అధికారులు అప్రమత్తమయ్యారు. ఇకనుంచి తాజ్‌మహల్‌ని సందర్శించాలంటే తప్పనిసరిగా కోవిడ్ సర్టిఫికెట్ ఉండాల్సిందేనని ప్రకటించారు. కరోనా పరీక్షలు చేయించుకుని నెగెటివ్ ధ్రువపత్రాన్ని సమర్పించిన వారినే అనుమతిస్తామని ఆగ్రా అధికారులు స్పష్టం చేశారు. దేశంలో ఒమిక్రాన్ బీఎఫ్ 7 వేరియంట్ కేసులు 3 నమోదయ్యాయి. దీంతో కేంద్రం రాష్ట్రాలను అలర్ట్ చేసింది. రద్దీ ప్రాంతాల్లో మాస్కు ధరించాలని సూచించింది.

    ప్రజలు మాస్కు ధరించాలి: ప్రధాని

    దేశ ప్రజలందరూ మాస్కును ధరించాలని ప్రధాని మోదీ కోరారు. కరోనా నిర్ధారణ పరీక్షలను పెంచాలని అధికారులకు సూచించారు. రాష్ట్రాలు అప్రమత్తంగా ఉండాలని ఆయన తెలిపారు. కేంద్ర మంత్రులతో నిర్వహించిన ఉన్నతస్థాయి సమీక్షలో మోదీ పలు సూచనలు చేశారు. ‘ఆసుపత్రుల్లో అనువైన సౌకర్యాలను కల్పించండి. వెంటిలేటర్లు, ఆక్సిజన్ సిలిండర్లు, ఇతర సౌకర్యాలు, మానవ వనరుల కొరత ఉండకుండా చూడండి. నిర్ధారణ పరీక్షల్ని పెంచండి’ అని సూచించారు. కాగా, బీఎఫ్7 వేరియంట్ సోకిన వారు క్రమంగా కోలుకుంటున్నట్లు తెలుస్తోంది. దేశంలో ఇప్పటివరకు 4 కేసులు నమోదయ్యాయి.