టీడీపీ నేత ఏబీ సుబ్బారెడ్డిపై దాడి

ఏపీలోని నంద్యాలలో టీడీపీ నేత, భూమా నాగిరెడ్డి స్నేహితుడు ఏవీ సుబ్బారెడ్డిపై టీడీపీకే చెందిన మాజీ మంత్రి భూమా అఖిలప్రియ వర్గీయులు దాడికి పాల్పడ్డారు. ఈ దాడిలో ఏవీ సుబ్బారెడ్డి తీవ్రంగా గాయపడ్డారు. నారా లోకేశ్ యువగళం పాదయాత్రలో భాగంగా ఇరు వర్గాలు పరస్పరం దాడులు చేసుకున్నాయి. ఈ దాడిలో అఖిలప్రియకు కూడా స్వల్పగాయాలయ్యాయి. దాడి ఘటనతో పోలీసులు కట్టుదిట్టమైన భద్రత ఏర్పాటు చేశారు. ఈ ఘటనతో వీరిపై లోకేశ్ ఆగ్రహం వ్యక్తం చేసినట్లు తెలుస్తోంది.