నందమూరి బాలకృష్ణ హోస్ట్‌గా వ్యవహరిస్తున్న అన్‌స్టాపబుల్ షో సీజన్-3 త్వరలో ప్రారంభం కానుంది. మొదటి రెండు సీజన్లకు మించి ఈసారి వినోదం పంచేందుకు ప్లాన్ సిద్ధం చేస్తున్నారు. దసరా నుంచి ప్రారంభం కానున్న ఈ సీజన్ మొదటి ఎపిసోడ్‌లో ‘భగవంత్ కేసరి’ మూవీ టీం సందడి చేయనున్నట్లు తెలుస్తోంది. త్వరలోనే దీని గురించి అధికారిక ప్రకటన రానున్నట్లు సమాచారం. కాగా, బాలకృష్ణ నటించిన ‘భగవంత్ కేసరి’ ఈ నెల 19న థియేటర్లలోకి రానుంది.
సీఎం కేసీఆర్ సతీమణి శోభ ఈ రోజు తెల్లవారుజామున తిరుమల శ్రీవారిని దర్శించుకున్నారు. నిన్న రాత్రి తిరుమల చేరుకున్న శోభ ఈ రోజు స్వామి వారిని దర్శించుకుని మొక్కలు చెల్లించుకున్నారు. దర్శనం అనంతరం ఆమెకు టీటీడీ అధికారులు స్వామివారి చిత్రపటాన్ని బహూకరించారు. కాగా, తిరుమలలో భక్తుల రద్దీ సాధారణంగా ఉంది. శ్రీవారి సర్వ దర్శనానికి 8 గంటల సమయం పడుతుండగా, ప్రత్యేక దర్శనానికి 3 గంటల సమయం పడుతోంది. Kalvakuntla Shobha, wife of Telangana CM #KCR, went to #Tirumala Monday … Read more
తెలంగాణలో ఎన్నికల షెడ్యూల్ వెలువడిన నేపథ్యంలో పలు రకాల పోటీ పరీక్షలు వాయిదా పడే అవకాశం కనిపిస్తోంది. నవంబర్ 3 నుంచి నామినేషన్ల స్వీకరణ ప్రక్రియ ప్రారంభం కానున్న నేపథ్యంలో 2, 3 తేదీల్లో జరగాల్సిన గ్రూప్2 పరీక్షలపై సందిగ్ధత నెలకొంది. ఎన్నికల ప్రక్రియతో పాటు గ్రూప్స్ పరీక్షలకు పెద్ద ఎత్తున పోలీస్ బందోబస్తు అవసరం ఉండటమే దీనికి కారణం. నవంబర్ 30న ఎన్నికలు ఉన్న నేపథ్యంలో 25 నుంచి 30 వరకు జరగాల్సిన టీఆర్‌టీ-ఎస్‌జీటీ పరీక్షలు సైతం వాయిదా పడే అవకాశం ఉంది.
కాసేపట్లో సిట్ ఆఫీసుకు నారా లోకేష్ వెళ్లనున్నారు. ఇన్నర్ రింగ్ రోడ్ కేసులో భాగంగా తాడేపల్లి సీఐడీ కార్యాలయానికి విచారణ నిమిత్తం వెళ్లనున్నారు. ఉదయం 10 నుంచి సాయంత్రం 5 గంటల వరకు సీఐడీ అధికారులు లోకేష్‌ను విచారించనున్నారు. ఐఆర్‌ఆర్‌ కేసులో ఏ-14గా లోకేష్ ఉన్న సంగతి తెలిసిందే. మంత్రిగా లోకేష్ ఉన్న సమయంలో భూముల కేటాయింపులో అవకతవకలు జరిగాయన్నది ఆయనపై ఉన్న ప్రధాన ఆరోపణ.
తెలంగాణలో మూడో సారి కేసీఆర్ సీఎం అవుతారని MIM చీఫ్ అసదుద్దీన్ ఒవైసీ అన్నారు. అసెంబ్లీ ఎన్నికలకు సిద్ధంగా ఉన్నామని చెప్పారు. తాము పోటీ చేసే ప్రతిచోటా గెలుస్తామని ధీమా వ్యక్తం చేశారు. ఈ ఎన్నికల్లో రాజస్థాన్లోనూ పోటీ చేస్తామని తెలిపారు. రాష్ట్రవ్యాప్తంగా MIM పోటీ చేసే స్థానాల్లో పార్టీ అభ్యర్థులకు, పోటీ చేయని చోట బీఆర్ఎస్ అభ్యర్థులకు ఓటు వేయాలని ముస్లింలకు సూచించారు.
నేడు ఆదిలాబాద్ జిల్లాలో బీజేపీ భారీ బహిరంగ సభ నిర్వహించనుంది. ఈ బహిరంగ సభకు కేంద్రమంత్రి అమిత్ షా హాజరుకానున్నారు. ఆదిలాబాద్‌లోని 7 నియోజకవర్గాలు కవర్ అయ్యేలా జనసమీకరణ చేస్తున్నారు. సుమారు లక్షమందిని సభకు తీసుకొచ్చేందుకు కమలనాథులు ప్రయత్నిస్తున్నారు. ఆదిలాబాద్‌లోని డైట్‌ మైదానంలో మధ్యాహ్నం ఒంటిగంటకు సభ ప్రారంభం కానుంది. రాష్ట్ర అధ్యక్షుడు కిషన్ రెడ్డి, ఈటల రాజేందర్ సహా ఇతర ముఖ్య నేతలు సభకు హాజరుకానున్నారు.
తెలంగాణ అసెంబ్లీ ఎన్నికల్లో కాంగ్రెస్ పార్టీకి లెఫ్ట్ పార్టీలతో పొత్తు కుదిరింది. సీపీఐకి రెండు స్థానాలు, సీపీఎంకు రెండు స్థానాలు ఇచ్చేందుకు కాంగ్రెస్ ఒప్పుకుంది. సీపీఐకి కొత్తగూడెం, మునుగోడు స్థానాలు కేటాయించగా.. సీపీఎంకు భద్రాచలం, మిర్యాలగూడ స్థానాలు ఖరారు చేసింది. మునుగోడు ఉపఎన్నికలో బీఆర్ఎస్‌కు సీపీఐ, సీపీఎం సపోర్ట్‌ చేసినప్పటికీ… అసెంబ్లీ ఎన్నికల్లో లెఫ్ట్ పార్టీలతో దోస్తీకి కేసీఆర్ ముఖం చాటేశారు.
తిరుమలలో భక్తుల రద్దీ సాధారణంగా ఉంది. శ్రీవారి సర్వ దర్శనానికి 4 గంటల వరకు సమయం పడుతోంది. 5 కంపార్టుమెంట్లలో భక్తులు వేచి ఉన్నారు. నిన్న శ్రీవారిని 68,828 మంది భక్తులు దర్శించుకున్నారు. మరో 28 వేలమంది భక్తులు స్వామివారికి తలనీలాలు సమర్పించారు. సోమవారం తిరుమలేషుడికి హుండీ ఆదాయం రూ. 3.53 కోట్లు వచ్చినట్లు అధికారులు తెలిపారు.
స్టేషన్‌ ఘన్‌పూర్‌లో ఇప్పటికీ ప్రజాభిమానం తనపైనే ఉందని ఎమ్మెల్యే రాజయ్య అన్నారు. ఎన్నికల నాటికి కచ్చితంగా టికెట్ తనకే వస్తుందని అనుకుంటున్నట్లు పేర్కొన్నారు. నివేదికలు, సర్వేల ద్వారా కేసీఆర్ తనవైపే నిర్ణయం తీసుకుంటారని ఆశిస్తున్నట్లు వెల్లడించారు. తాజాగా ఆయన రాష్ట్ర రైతు బంధు సమితి ఛైర్మన్‌గా బాధ్యతలు స్వీకరించారు. ఈ పదవితో తన బాధ్యత పెరిగిందని.. రైతుల సంక్షేమం కోసం పనిచేస్తానని పేర్కొన్నారు.
ఈ నెల 15 నుంచి వరుస కార్యక్రమాలతో ప్రజల్లోకి వెళ్లేందుకు సీఎం కేసీఆర్ ప్రణాళిక సిద్ధం చేసుకుంటున్నారు. 15న పార్టీ ఎమ్మెల్యే అభ్యర్ధులతో సమావేశం నిర్వహించి ఎన్నికల ప్రచారంపై దిశానిర్దేశం చేయనున్నారు. ఈ సమావేశంలోనే అభ్యర్థులకు పార్టీ బీ ఫామ్స్ అందజేయడంతో పాటు ఎన్నికల మేనిఫెస్టో ప్రకటించనున్నారు. అదే రోజు సాయంత్రం హుస్నాబాద్‌లో నిర్వహించే బహిరంగ సభలో పాల్గొంటారు. 16న జనగామ, భువనగిరి.. 17న సిద్ధిపేట, సిరిసిల్ల.. 18న జడ్చర్ల, మేడ్చల్‌లో నిర్వహించే సభలకు హాజరుకానున్నారు.
@2021 KTree