ప్రముఖ బాలీవుడ్ నటి నుస్రత్ బరుచ్చా ఇజ్రాయెల్ దేశంలో చిక్కుకున్నట్లు తెలుస్తోంది. ఇటీవల హైఫా ఇంటర్నేషనల్ ఫిల్మ్ ఫెస్టివల్‌కు హాజరయ్యేందుకు ఇజ్రాయెల్ వెళ్లిన ఆమె ఆ దేశంలోనే ఉండిపోయారు. ప్రస్తుతం అక్కడ భీకర యుద్ధం కొనసాగుతుండడంతో ఆమెతో కమ్యునికేషన్‌ సంబంధాలు తెగిపోయినట్లు తెలుస్తోంది. ప్రస్తుతం నటి ఎక్కడో ఉందో తెలియని పరిస్థితి నెలకొంది. అయితే నిన్న తన బృందంలోని ఒకరితో మాట్లాడుతూ ఓ బేస్‌మెంట్‌లో దాక్కున్నట్లు నటి తెలిపింది.
బిగ్‌బాస్ తెలుగు ఏడో సీజన్ ప్రస్తుతం రసవత్తరంగా సాగుతోంది. ఈసారి ఎలిమినేట్ అయ్యేది ఎవరా అనేది సస్పెన్స్‌గా మారిపోయింది. అయితే ఆరుగురు కొత్త కంటెస్టెంట్స్ హౌస్‌లోపలికి రాబోతున్నారు. ఈ నేపథ్యంలో ఈ ఆదివారం డబుల్ ఎలిమినేషన్ ప్లాన్ చేశారని తెలుస్తోంది. ఈ వారం శుభశ్రీ-ప్రియాంక ఒకేసారి ఎలిమినేట్ అవబోతున్నారని చర్చసాగుతోంది. గత వారాల్లో కిరణ్ రాథోడ్, షకీలా, దామిని, రతికని ఎలిమినేట్ చేసి పంపేశారు.
రియాలిటీ షో బిగ్‌బాస్ మూడో సీజన్‌లో భార్యభర్తలైన యాక్టర్స్ వరుణ్ సందేశ్-వితిక జంటగా పాల్గొన్నారు. అయితే తాజాగా వరుణ్ దీనిపై స్పందిస్తూ ఆసక్తికర వ్యాఖ్యలు చేశారు. ‘బిగ్‌బాస్ షో నుంచి బయటకొచ్చిన నా భార్య బాధపడింది. అలా షోను ఎడిట్ చేసి చూపించారని చెబుతూ చాలా ఫీలైంది. గంట ఎపిసోడ్‌లో ఓ మనిషిని చూసి వాళ్ల క్యారెక్టర్‌ని ఎలా డిసైడ్ చేస్తారు. అది నన్ను చాలా బాధించింది’. అంటూ వరుణ్ చెప్పుకొచ్చారు.
కబీర్‌సింగ్‌లో నటించేందుకు మొదట తాను ఒప్పుకోలేదని బాలీవుడ్ నటుడు షాహీద్‌కపూర్ తెలిపారు. తన భార్య మీరా సూచన మేరకే ఈ మూవీ చేేసేందుకు ఒప్పుకున్నానని షాహీద్ ఓ ఇంటర్వ్యూలో వెల్లడించారు. తెలుగులో సూపర్ హిట్ అందుకున్న అర్జున్‌రెడ్డి హిందీలో రీమేక్ చేయగా బ్లాక్‌బస్టర్ హిట్ అందుకుని షాహీద్‌కు బ్రేక్ ఇచ్చింది. తెలుగులో తీసిన సందీప్‌రెడ్డినే హిందీలో సైతం తెరకెక్కించారు. రూ.60 కోట్లతో తీసిన ఈ సినిమా రూ.350 కోట్ల వసూళ్లు సాధించింది.
హారో వరుణ్ తేజ్, నటి లావణ్య త్రిపాఠి పెళ్లి వేడుకలు మొదలయ్యాయి. తాజాగా చిరంజీవి నివాసంలో ప్రీ వెడ్డింగ్‌ సెలబ్రేషన్స్‌ జరిగాయి. కొణిదెల కుటుంబ సభ్యులు ఈ వేడుకలో పాల్గొని సందడి చేశారు. దీనికి సంబంధించిన కొన్ని ఫొటోలను చిరు సోషల్ మీడియాలో షేర్ చేశారు. ‘‘వరుణ్‌తేజ్‌ లావణ్యల ప్రీవెడ్డింగ్‌ సెలబ్రేషన్స్‌ నిన్న సాయంత్రం వేడుకగా జరిగాయి’’ అని ఆయన పేర్కొన్నారు.
తాను నటిని అవుతానని ఎప్పుడూ అనుకోలేదని అందాల భామ ప్రియా ప్రకాశ్ వారియర్ తెలిపింది. మళయాళం మూవీ ‘ఒరు అదార్ లవ్’ సినిమాతో సౌత్ ఇండస్ట్రీలో ప్రియా పాపులర్ అయింది. ఈ సినిమాలోని కన్ను కొట్టే సీన్‌తో ఈ ముద్దుగుమ్మ కుర్రకారు హృదయాల్లో నిలిచిపోయింది. పవన్ కళ్యాణ్, సాయిధరమ్ తేజ్ నటించిన ‘బ్రో’ సినిమాలో ప్రియా ఓ పాత్ర చేసింది. ప్రస్తుతం పలు సినిమాలతో బిజీగా ఉన్న ప్రియా ప్రకాశ్ సోషల్ మీడియాలో పోస్ట్ చేసే ఫొటోలు వైరల్ అవుతున్నాయి.
టాలీవుడ్ నటుడు రాజీవ్ కనకాల తనయుడు రోషన్ హీరోగా ఎంట్రీ ఇవ్వబోతున్నాడు. అతడి తొలి సినిమా టైటిల్ ఫస్ట్‌లుక్‌ను దర్శకుడు రాజమౌళి విడుదల చేశారు. ఈ నేపథ్యంలో చిత్ర బృందానికి శుభాకాంక్షలు తెలిపారు. అయితే రోషన్ తొలి చిత్రానికి ‘బబుల్ గమ్’ అనే పేరును పెట్టారు. పేరుకు తగ్గట్టుగానే అందులో రోషన్ బబుల్ గమ్ నములుతూ కనిపించాడు. రవికాంత్ ఈ సినిమాకు దర్శకత్వం వహిస్తున్నాడు. రోషన్‌కు జోడీగా మానస చౌదరి నటిస్తోంది.
మంత్రి రోజా పై టీడీపీ నేత బండారు సత్యనారాయణ అనుచిత వ్యాఖ్యలపై సినీ నటి ఖుష్బూ తీవ్ర ఆగ్రహం వ్యక్తం చేశారు. ‘మంత్రి రోజాపై టీడీపీ నేత బండారు సత్యనారాయణ చేసిన వ్యాఖ్యలను ఖండిస్తున్నాను. రోజాకు నా పూర్తి మద్దతు. రోజాకు బండారు క్షమాపణ చెప్పే వరకు నేను పోరాడుతా. రాజకీయ నాయకుడిగానే కాదు మనిషిగా కూడా బండారు విఫలమయ్యాడు. నారీ శక్తి వంటి చట్టాలను దేశంలో తెచ్చుకుంటున్న సందర్భం ఇది. మహిళల గురించి నీచంగా మాట్లాడటం తమ జన్మ హక్కు అనుకుంటున్నారు బండారు … Read more
మేడమ్ టుస్సాడ్స్ దుబాయ్‌లో మైనపు బొమ్మ కలిగి ఉన్న తొలి టాలీవుడ్ నటుడిగా అల్లు అర్జున్ రికార్డ్ సృష్టించబోతున్నారు. దీని కోసం దుబాయ్ వెళ్లిన బన్నీ 200లకు పైగా కొలతలు ఇచ్చారు. పుష్ఫ సినిమాలో నటనకు గాను ఉత్తమ నటుడిగా జాతీయ చలనచిత్ర పురస్కారం అందుకున్న ఆయన మరో ఘనతను సొంతం చేసుకుంటుండటంతో అభిమానులు ఆనందం వ్యక్తం చేస్తున్నారు. ప్రభాస్, మహేశ్ బాబు, కాజల్, సత్యరాజ్ మైనపు బొమ్మలు ఇప్పటికే ఇతర దేశాల్లో ఉన్న మేడమ్ టుస్సాడ్స్ మ్యూజియాల్లో ఉన్నాయి.
మెగాస్టార్ చిరంజీవి ట్విటర్‌లో షేర్ చేసిన ఓ ఫొటో అభిమానులను ఆకట్టుకుంటోంది. క్లీన్ షేవ్‌ చేసుకుని యంగ్ లుక్‌తో ఉన్న చిరూను చూసి అభిమానులు ‘చిరు లుక్ అదుర్స్’ అంటూ కామెంట్స్ చేస్తున్నారు. సినీ పరిశ్రమలో 50 ఏళ్లు పూర్తి చేసుకున్న రచయిత సత్యానంద్‌ను చిరంజీవి కలిసి అభినందించారు. ఈ క్రమంలో ఆయనతో కలిసి తీసుకున్న ఫొటోను చిరు పోస్ట్ చేశారు. ఈ ఫొటోలో కనిపిస్తున్న చిరు న్యూ లుక్ వశిష్ఠ దర్శకత్వంలో రూపొందనున్న సినిమా కోసమే అనే చర్చ జరుగుతోంది.
@2021 KTree