ఏపీలో ఘోర రోడ్డు ప్రమాదం; 6 మంది దుర్మరణం

ఏపీలోని శ్రీసత్యసాయి జిల్లాలో ఘోర రోడ్డు ప్రమాదం చోటు చేసుకుంది. ఈ ప్రమాదంలో 6 మంది దుర్మరణం పాలయ్యారు. బత్తలపల్లి మండలం పోట్లపర్రి వద్ద బొలెరో, ఆటో ఎదురెదురుగా వేగంగా వస్తూ బలంగా ఢీకొన్నాయి. దీంతో స్పాట్‌లోనే 5 మంది మృత్యువాత పడగా మరొకరు ఆస్పత్రిలో చికిత్స పొందుతూ మరణించారు. పోలీసులు ఘటనా స్థలానికి చేరుకుని సహాయక చర్యలు చేపట్టారు. ఈ ప్రమాదానికి అతి వేగమే కారణమని పోలీసులు అనుమానిస్తున్నారు.