దక్షిణాదికి త్వరలో మరో వందే భారత్ రైళ్లు వస్తున్నాయి. మరో మూడింటిని పట్టాలెక్కించేందుకు రైల్వేశాఖ సన్నద్ధమవుతోంది. సికింద్రాబాద్‌ నుంచి తిరుపతి , కాచిగూడ నుంచి బెంగళూరు, సికింద్రాబాద్‌ నుంచి పుణె నగరాల మధ్య సేవలందిస్తున్నట్లు తెలుస్తోంది. దక్షిణ భారతదేశంలో తొలివందే భారత్‌ రైలును చెన్నై-బెంగళూరు-మైసూరు మధ్య గతేడాది నవంబర్‌లో ప్రారంభమయ్యింది. ఇటీవల సంక్రాంతి కానుకగా తెలుగు రాష్ట్రాల మధ్య వర్చువల్‌గా ప్రారంభించిన విషయం తెలిసిందే.

విమాన ప్రయాణ అనుభూతిని పంచే సూపర్ ఫాస్ట్‌ రైలు వందే భారత్‌ త్వరలోనే తెలుగు రాష్ట్రాలకు రాబోతోంది. దక్షిణ మధ్య రైల్వేకు వందేభారత్‌ మంజూరైనట్లు అధికారిక సమాచారం వచ్చింది. తొలుత సికింద్రాబాద్-విజయవాడ మధ్య నడిపేందుకు సన్నాహాలు చేస్తున్నారు. 180 కిలోమీటర్ల వేగంతో దూసుకెళ్లే వందేభారత్‌కు సరిపోయే ట్రాక్స్‌ ప్రస్తుతం మనదగ్గర లేవు. ట్రాక్స్ వేగం పెంచి డిసెంబర్‌లోనే వందేభారత్‌ పరుగులు పెట్టించాలని అధికారులు భావిస్తున్నారు.

ఇటీవలే ప్రారంభమైన సూపర్‌ఫాస్ట్‌ రైలు వందేభారత్‌ ఎక్స్‌ప్రెస్‌ మరో ప్రమాదానికి గురైంది. నిన్న గేదెల మందను ఢీకొట్టడంతో రైలు ముందుభాగం దెబ్బతింది. తాజాగా మరోసారి గాంధీనగర్‌ నుంచి ముంబయి వెళ్తున్న వందేభారత్‌ రైలు ఆవును ఢీకొట్టింది. అయితే ఈ ఘటనలో పెద్దగా నష్టమేమీ జరగలేదు. రైలు ముందుభాగంలో చిన్న డెంట్‌ పడింది. గాంధీనగర్-ముంబయి మధ్య వందే భారత్ రైలును ప్రధాని మోదీ లాంఛనంగా ప్రారంభించారు. అక్టోబర్‌ 1 నుంచి ప్రయాణికులకు ఈ రైలు సేవలు అందిస్తోంది.

పూర్తి స్వదేశీ పరిజ్ఞానంతో అత్యాధునిక సాంకేతికతో రూపొందుతున్న వందేభారత్‌ రైలు టెస్ట్‌రన్‌లో గంటకు 180 కిలోమీటర్లు పరుగెత్తింది. ఈ మేరకు కేంద్రమంత్రి అశ్వనీ వైష్ణవ్‌ ట్విట్టర్‌ ద్వారా వెల్లడించారు.16 కోచ్‌ల వందే భారత్‌ రైలుకు కోటా -నగ్డా మధ్య RDSO(రీసర్చ్‌, డిజైన్‌ అండ్ స్టాండర్డ్స్‌ ఆర్గనైజేషన్‌) వందేభారత్‌ రైలు టెస్ట్‌రన్‌ నిర్వహించింది. ఇందులో రైలు వేగాన్ని 120,130,150,180 కిలోమీటర్ల వరకూ పరిశీలించారు. ఇప్పటికే రైలులో ఉపకరణాలపై ప్రాథమిక పరిశీలన పూర్తయింది.