వాంఖడే వేదికగా ఇండియా, ఆస్ట్రేలియా మధ్య జరిగిన తొలి వన్డేలో టీమిండియా విజయం సాధించింది. తొలుత బ్యాటింగ్‌కు దిగిన ఆస్ట్రేలియాపై భారత బౌలర్లు విజృంభించారు. 188 పరుగులకే కుప్పకూల్చారు. పేసర్లు షమీ, సిరాజ్‌ ధ్వయం చెరో 3 వికెట్లు తీసుకున్నారు. జడేజా 2 వికెట్లు పడగొట్టగా, హార్దిక్, కుల్దీప్ తలో వికెట్‌ తీశారు. ఆస్ట్రేలియా బ్యాటర్లలో మిచెల్ మార్ష్‌ ఒక్కడే 85 పరుగులతో ఆకట్టుకున్నాడు. ఛేదనలో కంగారూ బౌలర్లు భారత్‌ను బెంబేలెత్తించారు. కేఎల్‌ రాహుల్‌ అర్ధశతకంతో బాధ్యాతాయుత ఇన్నింగ్స్‌ ఆడి టీమిండియాను గెలిపించాడు.