అదిరిపోయే షాట్.. కోహ్లీ భారీ సిక్సర్

శ్రీలంకపై మూడో వన్డేలో కింగ్ కోహ్లీ సెంచరీతో అదరగొడుతున్నాడు. అయితే, సెంచరీ పూర్తి చేసిన అనంతరం విరాట్ 97మీటర్ల భారీ సిక్సర్‌ని బాదాడు. తన సహజ శైలికి విరుద్ధంగా ఈ షాట్ ఆడటం విశేషం. రజిత బౌలింగులో కోహ్లీ రెండు అడుగులు ముందుకేసి లాంగ్ ఆన్ మీదుగా సిక్సర్‌ని కొట్టాడు. ఈ క్రమంలో విరాట్ శైలి ఏబీ డివిలియర్స్‌ని తలపిస్తున్నట్లుగా ఉందంటూ నెటిజన్లు కామెంట్లు చేస్తున్నారు. కాగా, కోహ్లీ తన అంతర్జాతీయ వన్డే కెరీర్‌లో 46వ సెంచరీని నమోదు చేశాడు. అత్యధికంగా శ్రీలంకపై 10 సెంచరీలు చేయడం విశేషం.