తెలంగాణ సహా ఐదు రాష్ట్రాల ఎన్నికలకు షెడ్యూల్ విడుదలైంది. మిజోరాంలో నవంబర్ 7న ఎన్నికలు జరగనుండగా.. చత్తీస్‌ఘర్‌లో నవంబర్ 7, 17న రెండు విడతలుగా నిర్వహించనున్నారు. మధ్యప్రదేశ్‌లో నవంబర్ 17, రాజస్థాన్‌లో నవంబర్ 23న.. తెలంగాణలో నవంబర్ 30న ఎన్నికలు నిర్వహించనున్నారు. అన్ని రాష్ట్రాల్లో డిసెంబర్ 3న ఎన్నికల ఫలితాలు వెలువడతాయి.
తెలంగాణ అసెంబ్లీ ఎన్నికల నోటిఫికేషన్ విడుదల కావడంతో… రాష్ట్రమంతా ఎన్నికల కోడ్ అమల్లోకి వచ్చింది. ఈ సమయంలో గవర్నమెంట్ ఎలాంటి కొత్త పథకాలు ప్రకటించడం కానీ, కొత్త ఉద్యోగాల నోటిఫికేషన్లు జారీ చేయడం, ప్రభుత్వ ధనంతో ప్రకటనలు ఇవ్వడం వంటివి చేయకూడదు. ప్రతిపక్ష పార్టీలు విద్వేష పూరిత ప్రసంగాలు, గుళ్లు, మసీదులు వంటి ప్రాంతాల్లో సభలు పెట్టడం నిషేధం. కోడ్ అమల్లోకి రావడంతో ప్రభుత్వం నామమాత్రపు అధికారాలకు పరిమితం కానుంది.
చంద్రబాబు క్వాష్ పిటిషన్‌పై సుప్రీంకోర్టులో వాడి వేడిగా వాదనలు జరిగాయి. అవినీతి నిరోధక చట్టం 17A ప్రకారం సీఎం స్థాయి వ్యక్తిని అరెస్ట్ చేయాలంటే కచ్చితంగా గవర్నర్ అనుమతి అవసరమని చంద్రబాబు తరఫు లాయర్ హరీష్ సాల్వే కోర్టులో వాదించారు. చంద్రబాబు రిమాండ్ రిపోర్టులో స్కిల్ స్కాం 2018లో జరిగిందని ఎక్కడా లేదన్నారు. 17ఏ ఈ కేసులో కచ్చితంగా వర్తిస్తుందని వాదించారు. వాదనలు విన్న న్యాయస్థానం మధ్యాహ్ననికి వాయిదా వేసింది. లంచ్ తర్వాత వాదనలు కొనసాగనున్నాయి.
సీఎం వైఎస్ జగన్ పాదయాత్ర చేపట్టిన సందర్భాన్ని పురస్కరించుకుని యాత్ర 2 చిత్రం తెరకెక్కుతున్న సంగతి తెలిసిందే. యాత్ర సినిమాలో మమ్మూటి ప్రధాన పాత్రలో హిట్ కాగా.. దానికి సిక్వేల్‌గా యాత్ర 2ను నిర్మిస్తున్నారు. తాజాగా ఆ చిత్రం నుంచి మూవీ మేకర్స్ ఫస్ట్ లుక్ పోస్టర్‌ను విడుదల చేశారు. ఈ సినిమాలో వైఎస్ జగన్ పాత్రలో తమిళ్ హీరో జీవా నటిస్తున్నారు. ఈ చిత్రానికి మహి వీ రాఘవన్ దర్శకత్వం వహిస్తున్నారు.
ఐదు రాష్ట్రాల ఎన్నికల షెడ్యూల్‌ను కేంద్ర ఎన్నికల ప్రధాన అధికారి రాజీవ్ కుమార్ ప్రకటించారు. తెలంగాణలో నవంబర్ 3న నోటిఫికేషన్, 10నుంచి నామినేషన్లు, 15 వరకు నామినేషన్ల విత్‌డ్రా, 30న పోలీంగ్ నిర్వహించనున్నట్లు పేర్కొన్నారు. రాష్ట్రంలో 3.02 కోట్ల మంది ఓటర్లు ఉన్నట్లు పేర్కొన్నారు. డిసెంబర్ 3న ఎన్నికల ఫలితాలు వెల్లడించనున్నట్లు చెప్పారు. ఒకే విడతలో తెలంగాణలో ఎన్నికలు నిర్వహించనున్నట్లు చెప్పారు.
ఓ బాలికపై నలుగురు యువకులు సామూహిక అత్యాచారం చేసిన దారుణ ఘటన రంగారెడ్డి జిల్లా ఇబ్రహీంపట్నంలో జరిగింది. బిహార్‌కు చెందిన ధర్మేందర్, ఓ బాలిక వారం రోజులుగా అద్దె ఇంట్లో ఊంటూ సహజీవనం చేస్తున్నారు. ఈ నేపథ్యంలో ధర్మేందర్ పార్టీ ఇస్తానని చెప్పడంతో అతడి స్నేహితులు ఇంటికి వచ్చారు. వారందరికీ బాలిక వంట చేసి వడ్డించింది. భోజనం చేసిన తర్వాత ధర్మేందర్‌ను బయటకు గెంటేసి ఆమెపై అత్యాచాారానికి పాల్పడ్డారు. నిందితులపై పోలీసులు కేసు నమోదు చేశారు.
టీపీసీసీ చీఫ్ రేవంత్ రెడ్డి కాంగ్రెస్ అభ్యర్థులను ఎంపిక చేసే పార్టీ స్క్రీనింగ్ కమిటిపై అలకబూనారు. తెలంగాణ స్క్రీనింగ్ కమటీ సమావేశంలో రేవంత్ రెడ్డి ఇతర సీనియర్ల మధ్య వాగ్వాదం చోటు చేసుకుంది. మీ ఇష్టం వచ్చినట్టు చేసుకోండి అంటూ రేవంత్ రెడ్డి సమావేశం మధ్యలోనే లేచి వెళ్లిపోయారు. తమకే సీట్లు అనుకున్న సీనియర్లకు సీట్లు లేకపోవడం, బీసీలకు 34 సీట్లు కేటాయించకపోవడంపై స్క్రీనింగ్ కమిటీ సభ్యులు ఆందోళ వ్యక్తం చేశారు. రేవంత్ తమకు ప్రాధాన్యం ఇవ్వడం లేదని స్క్రీనింగ్ కమిటీ సభ్యులు విమర్శించారు. … Read more
వైస్సార్ జిల్లా- ఎర్రగుంట్లలో ఘోర రోడ్డు ప్రమాదం జరిగింది. పొట్లదుర్తి వద్ద ఆటో, ఆర్టీసీ బస్సు ఢీకొన్న ఘటనలో నలుగురు ప్రాణాలు కోల్పోయారు. పలువురు తీవ్రంగా గాయపడ్డారు. ఘటనాస్థలికి చేరుకున్న పోలీసులు క్షతగాత్రులను ఆస్పత్రికి తరలించి చికిత్స అందిస్తున్నారు. ఆటో.. లారీని క్రాస్ చేసే క్రమంలో ఎదురుగా వచ్చిన బస్సును ఢీకొని ప్రమాదం జరిగినట్లు పోలీసులు తెలిపారు. మృతులు ప్రొద్దుటూరుకు చెందినవారుగా గుర్తించారు.
ఖాజీపేట నుంచి పూణె వరకు కొత్తగా మరో ట్రైన్ నడపనున్నట్లు దక్షిణ మధ్య రైల్వే ప్రకటించింది. నేటి నుంచే ఈ ట్రైన్ అందుబాటులోకి రానుంది. ఈ మేరకు పూణె- హైదరాబాద్ ఎక్స్‌ప్రెస్ రైలును ఖాజీపేట వరకు పొడిగిస్తున్నట్లు అధికారులు తెలిపారు. ఈ నిర్ణయంతో వరంగల్, జనగామ, భువనగిరితో పాటు మరికొన్ని జిల్లాల ప్రజలకు ప్రయోజనం కలగనుంది.
చంద్రబాబుకు ఏపీ హైకోర్టులో గట్టి ఎదురు దెబ్బ తగిలింది. స్కిల్ స్కామ్ కేసులో చంద్రబాబు ముందస్తు బెయిల్ పిటిషన్లు న్యాయస్థానం డిస్మిస్‌ చేసింది. అంగళ్ల అల్లర్ల, ఫైబర్‌ గ్రిడ్‌, ఐఆర్‌ఆర్‌ కేసుల్లో ముందస్తు బెయిల్‌ను హైకోర్టు నిరాకరించింది. బెయిల్ ఇవ్వాలని ఆయన పెట్టుకున్న 3 పిటిషన్లను కోర్టు తిరస్కరించింది.
@2021 KTree