జనవరి నెల కోటాకు సంబంధించిన ప్రత్యేక ప్రవేశ దర్శనం రూ.300 టికెట్లను టీటీడీ విడుదల చేసింది. టికెట్లను టీటీడీ వెబ్ సైట్లో మాత్రమే బుక్ చేసుకోవాలని భక్తులకు సూచించింది. జనవరి నెలకు సంబంధించి నిన్న శ్రీవాణి భక్తుల దర్శనం, వసతి కోటా టికెట్లు విడుదల చేసింది. అటు తిరుమలలో భక్తుల రద్దీ సాధారణంగా ఉంది. శ్రీవారి దర్శనానికి 8 గంటల వరకు సమయం పడుతోంది. సోమవారం స్వామివారి హుండీ ఆదాయం రూ. 3.12 కోట్లు వచ్చినట్లు అధికారులు తెలిపారు.
అఫ్గానిస్థాన్‌పై ఓటమిపై పాకిస్థాన్ కెప్టెన్ బాబార్ అజామ్ స్పందించాడు. ‘ఈ ఓటమి మమ్మల్ని మరింత బాధపెట్టింది. మంచి టార్గెట్ అఫ్గాన్ ముందు ఉంచినా కాపాడుకోలేకపోయాం. స్పిన్నర్లు అనుకున్నంత రాణించలేకపోయారు. మిడిల్ ఓవర్లలో వికెట్లు తీయలేకపోయాం. అఫ్గాన్ ప్లేయర్లు బాగా ఆడారు. నాణ్యమైన ఆటతీరు కనబరిచారు. అందుకే వారు గెలిచారు. ఈ మ్యాచ్ నుంచి గుణపాఠం నేర్చుకున్నాం. తర్వాతి మ్యాచ్‌ల్లో విజయం సాధించేందుకు ప్రయత్నిస్తాం’ అని చెప్పాడు.
తమిళనాడులో ఘోర రోడ్డు ప్రమాదం జరిగింది. తిరువణ్ణామలై సమీపంలోని సెంగం పక్రిపాళయం సెంగం బైపాస్ రోడ్డు వద్ద టాటా సూమోను లారీ ఢీకొన్న ఘటనలో ఏడుగురు మృతి చెందారు. మరో ఎనిమిదిమంది పరిస్థితి విషమంగా ఉంది. ఘటనా స్థలికి చేరుకున్న పోలీసులు క్షతగాత్రులను చికిత్స నిమిత్తం ఆస్పత్రికి తరలించారు. అతివేగమే ప్రమాదానికి కారణంగా పోలీసులు భావిస్తున్నారు.
కాంగ్రెస్ ఎమ్మెల్యే జగ్గారెడ్డి తన నియోజకవర్గం కార్యకర్తలతో అసక్తికర వ్యాఖ్యలు చేశారు. ‘నేను ఇంకా పదేళ్లకైనా సీఎం అవుతా. మీ కడుపులో పెట్టుకొని కాపాడుకోండి. ప్రజల ముందు విజయదశమి రోజు తన మనసులోని మాట చెప్తున్నాను.. మీరు నన్ను మున్సిపల్ కౌన్సిలర్ ని చేసిండ్రు.. మీరు నన్ను మున్సిపల్ చైర్మన్ చేశారు.. మీ ఆశీర్వాదం తోటి మూడుసార్లు ఎమ్మెల్యే అయ్యాను. నన్ను ముఖ్యమంత్రి అయ్యే వరకు కాపాడుకోండి’ అని వ్యాఖ్యానించారు.
వరల్డ్ కప్- నేటి మ్యాచ్‌లో బంగ్లాదేశ్‌తో సౌతాఫ్రికా తలపడనుంది. మ్యాచ్ మధ్యాహ్నం 2 గంటలకు మ్యాచ్ ప్రారంభం కానుంది. ముంబైలోని వాంఖడే స్టేడియంలో మ్యాచ్ జరగనుంది. ఇప్పటి వరకు నాలుగు మ్యాచ్‌ల్లో 3 విజయాలు సాధించిన సౌతాఫ్రికా పాయింట్ల పట్టికలో మూడోస్థానంలో ఉంది. బంగ్లాదేశ్ ఒక్క విజయంతో ఏడో స్థానంలో ఉంది. ఈ మ్యాచ్‌లో గెలిచి బలమైన దక్షిణాఫ్రికాకు షాక్ ఇవ్వాలని బంగ్లా కసరత్తు చేస్తోంది.
ఫ్లిప్‌కార్ట్ మరో సేల్‌తో ముందుకొచ్చింది. బిగ్ దసరా సేల్ ఈనెల 22 నుంచి 29 వరకు కొనసాగనుంది. ఫ్లిప్‌కార్స్ ప్లస్ మెంబర్లకు ఒకరోజు ముందుగానే ఈ సేల్ అందుబాటులోకి రానుంది. బిగ్ దసరా సేల్‌లో భాగంగా ఐసీఐసీఐ, కొటాక్, ఆర్‌బీఎల్, ఎస్‌బీఐ కార్డు హోల్డర్లకు 10శాతం డిస్కౌంట్ పొందే అవకాశం కల్పించింది. సూపర్ కాయిన్స్ ద్వారా మరో 5శాతం అదనపు డిస్కౌంట్ అయితే పొందవచ్చు. దీని తర్వాత దీవాళికి మరో సేల్‌ను ఫ్లిప్‌కార్ట్ నిర్వహించనుంది.
వరల్డ్‌కప్‌లో భాగంగా లక్నో వేదికగా శ్రీలంకతో జరిగిన మ్యాచ్‌లో నెదర్లాండ్ 262 పరుగులకు ఆలౌట్ అయింది. ఈ మ్యాచ్‌లో టాస్ గెలిచిన నెదర్లాండ్ బ్యాటింగ్ ఎంచుకుంది. నెదర్లాండ్ బ్యాటర్లలో సిబ్రాండ్ ఎంగెల్‌బ్రెచ్ట్ 70(80), లోగాన్ వాన్ బేక్ 59 (75) పరుగులతో రాణించారు. శ్రీలంక బౌలర్లలో దిల్షాన్ మడుశనక 4, కాసూన్ రంజిత 4 వికెట్లు పడగొట్టారు.
బాలయ్య నటించిన భగవంత్ కేసరి బాక్సాఫీస్ వద్ద కలెక్షన్ల వర్షం కురిపిస్తోంది. విడుదలైన తొలి రోజు ప్రపంచవ్యాప్తంగా రూ.32 కోట్ల గ్రాస్ వసూలు చేసింది. రెండో రోజు రూ.19 కోట్లు కొల్లగొట్టడంతో ఈ చిత్రం రూ.50 కోట్ల మార్కును దాటేసింది. మొత్తానికి రెండు రోజుల్లోనే రూ.51.12 కోట్ల గ్రాస్ సాధించింది. ఇక వీకెండ్స్ ఉండటంతో కలెక్షన్లు ఇంకా సాలిడ్‌గా ఉండే అవకాశం ఉంది. అటు అమెరికాలోనూ భగవంత్ కేసరి 8 లక్షల డాలర్స్‌ మార్క్‌ను దాటేసింది.
ఉద్యమ నేత కేసీఆర్ సీఎం అయ్యాకే తెలంగాణ రాష్ట్రం అభివృద్ధి చెందుతోందని మంత్రి మల్లా రెడ్డి అన్నారు. ‘బీఆర్ఎస్‌ పార్టీ అంటే చరిత్ర.. కేసీఆర్ సీఎం అయ్యాకే అనేక అభివృద్ధి సంక్షేమ కార్యక్రమాలు అమలు చేస్తున్నారు. కేసీఆర్ కొత్తగా 10 పథకాలు తీసుకువచ్చారు. దేశంలో ఎక్కడా లేని విధంగా తెలంగాణలో పథకాలు ప్రవేశ పెట్టారు. కాంగ్రెస్ అంటే మోసం, దగా పార్టీ.. భూకబ్జా దారులు.. వాళ్లను జైలుకి పంపించే బాధ్యత నాదే. దళితులకు భూములను పంచే బాధ్యత నాదే’ అని చెప్పుకొచ్చారు.
ముంబై వాంఖాడే స్టేడియం వేదికగా జరుగుతున్న వరల్డ్ కప్ మ్యాచ్‌లో టాస్ గెలిచిన ఇంగ్లాండ్ బౌలింగ్ ఎంచుకుంది. జట్ల వివరాలు: దక్షిణాఫ్రికా: క్వింటన్ డి కాక్(w), రీజా హెండ్రిక్స్, రాస్సీ వాన్ డెర్ డస్సెన్, ఐడెన్ మార్క్రామ్(C), హెన్రిచ్ క్లాసెన్, డేవిడ్ మిల్లర్, మార్కో జాన్సెన్, గెరాల్డ్ కోయెట్జీ, కేశవ్ మహరాజ్, కగిసో రబడా, లుంగీ న్గిడి ఇంగ్లాండ్ : జానీ బెయిర్‌స్టో, డేవిడ్ మలన్, జో రూట్, బెన్ స్టోక్స్, హ్యారీ బ్రూక్, జోష్ బట్లర్(w/c), డేవిడ్ విల్లీ, ఆదిల్ రషీద్, గుస్ … Read more
@2021 KTree