ప్రభుత్వ ఉద్యోగం కోసం ఓ కుమారుడు తండ్రిని హతమార్చాలనుకున్నాడు. అందుకు కిరాయి హంతకులను కూడా ఏర్పాటు చేశాడు. ఈ ఘటన ఝార్ఖండ్‌లో జరిగింది. రామ్‌జీ అనే వ్యక్తి సీసీఎల్‌లో ఉద్యోగం చేస్తున్నారు. ఉద్యోగం లేని తన 25 ఏళ్ల కుమారుడు అమిత్‌ ఖాళీగా ఉంటున్నాడు. తండ్రి మరణిస్తే ఆ ఉద్యోగం తనకే వస్తుందని కుమారుడు ఆశపడ్డాడు. దీంతో తండ్రినే చంపేందుకు పథకం రచించాడు. అందుకు కిరాయి హంతకులకు సుపారి ఇచ్చి తండ్రిపై కాల్పులు జరిపించాడు. ఈ ఘటనపై పోలీసులు విచారించగా కుమారుడే ఈ అఘాయిత్యానికి … Read more

ఇండిగో విమానంలో ఓ ప్రయాణికుడు మద్యం మత్తులో సిబ్బందితో అసభ్యకరంగా ప్రవర్తించాడు. ఈ ఘటన బెంగళూరు నుంచి జైపుర్‌కు వెళుతున్న విమానంలో జరిగింది. అతని ప్రవర్తనతో తోటి ప్రయాణికులు ఇబ్బంది పడ్డారు. జైపుర్‌లో విమానం దిగిన తర్వాత సిబ్బంది ఫిర్యాదుతో పోలీసులు అతడిని అదుపులోని తీసుకున్నారు. ఈ నేపథ్యంలో ఇండిగో సంస్థ ప్రతినిధులు ఓ ప్రకటన విడుదల చేశారు. ప్రయాణికులకు జరిగిన అసౌకర్యానికి చింతిస్తున్నామంటూ అందులో పేర్కొన్నారు.

ఉత్తరాఖండ్‌లోని ఘోర రోడ్డు ప్రమాదం జరిగింది. వ్యాన్‌ లోయలో పడి 8 మంది మృతి చెందారు. మరో ముగ్గురికి తీవ్రగాయాలయ్యాయి. క్షతగాత్రులను ఆస్పత్రికి తరలిస్తున్న సమయంలో మరో ఇద్దరు ప్రాణాలు కోల్పోయారు. మృతులంతా స్థానికులేనని తెలుస్తోంది. మృతుల్లో భార్యభర్తతో పాటు వాళ్ల కుమారుడు కూడా ఉన్నారు. క్షతగాత్రులకు సరైన వైద్యం అందేలా అధికారులు చర్యలు తీసుకుంటున్నారు.

దేశ రాజధాని ఢిల్లీలో గాలి నాణ్యత ఆందోళనకర స్థాయిలో కొనసాగుతోంది. నగరాన్ని విషపూరిత పొగ దట్టంగా కప్పేసింది. రానున్న రోజుల్లో పరిస్థితి మెరుగుపడే అవకాశం లేదని వాతావరణ శాఖ తెలిపింది. ఢిల్లీలో నిన్న గాలి నాణ్యతా సూచీ 419గా నమోదైంది. బుధవారం 401గా ఉన్న నాణ్యతా ప్రమాణాలు. మంగళవారం 397, సోమవారం 358, ఇలా రోజురోజుకీ గాలి నాణ్యత మరింత దిగజారుతోంది. దీపావళి వేడుకలు పరిస్థితులు మరింత తీవ్రతరం చేశాయి.