మద్యం మత్తులో విమాన సిబ్బందితో అసభ్య ప్రవర్తన

ఇండిగో విమానంలో ఓ ప్రయాణికుడు మద్యం మత్తులో సిబ్బందితో అసభ్యకరంగా ప్రవర్తించాడు. ఈ ఘటన బెంగళూరు నుంచి జైపుర్‌కు వెళుతున్న విమానంలో జరిగింది. అతని ప్రవర్తనతో తోటి ప్రయాణికులు ఇబ్బంది పడ్డారు. జైపుర్‌లో విమానం దిగిన తర్వాత సిబ్బంది ఫిర్యాదుతో పోలీసులు అతడిని అదుపులోని తీసుకున్నారు. ఈ నేపథ్యంలో ఇండిగో సంస్థ ప్రతినిధులు ఓ ప్రకటన విడుదల చేశారు. ప్రయాణికులకు జరిగిన అసౌకర్యానికి చింతిస్తున్నామంటూ అందులో పేర్కొన్నారు.