AP; బంగాళాఖాతంలో ఏర్పడిన వాయుగుండం తీవ్ర తుపానుగా బలపడినట్లు అమరావతి వాతావరణ కేంద్రం తెలిపింది. ఉత్తర-ఈశాన్య దిశగా కదులుతూ తుపానుగా రూపాంతరం చెందే అవకాశం ఉందని చెప్పంది. తుపానుగా మారితే ‘మిధిలి’గా నామకరణం చేయనున్నట్లు పేర్కొంది. దీని ప్రభావంతో రాష్ట్రంలోని వివిధ ప్రాంతాల్లో తేలికపాటి నుంచి ఒక మోస్తరు వర్షాలకు అవకాశముందని వెల్లడించింది. ఈశాన్య రుతుపవనాల ప్రభావంతో ఈ నెల 28 తర్వాత రాష్ట్రంలో వర్షాలు పెరిగే అవకాశం ఉందని పేర్కొన్నారు.

దిల్లీ- దర్భంగా ఎక్స్‌ప్రెస్‌లో మంటలు చెలరేగిన విషయం మరవకముందే గంటల వ్యవధిలోనే అదే జిల్లాలో మరో రైల్లో మంటలు కలకలం రేపాయి. దిల్లీ నుంచి బిహార్‌కు వెళ్తోన్న వైశాలి ఎక్స్‌ప్రెస్‌లోని ఎస్‌-6 బోగీ కాలిపోయింది. ఈ ప్రమాదంలో.. మొత్తం 21 మందికి గాయాలయ్యాయి. సమాచారం అందుకున్న వెంటనే అగ్నిమాపక సిబ్బంది ఘటనా స్థలానికి చేరుకుని ఎస్-6 కోచ్‌లోని మంటలను ఆర్పేశారు. క్షతగాత్రులను దగ్గరలోని ఆసుపత్రికి తరలించి చికిత్స అందిస్తున్నారు.

అయిదేళ్ల చిన్నారికి అత్యాచారం చేసిన కేసులో నిందితుడికి కేరళ హైకోర్టు మరణ శిక్ష విధించింది. అంతేకాకుండా యావజ్జీవ కారాగార శిక్షలు అనుభవించడంతో పాటు రూ.7.3 లక్షల జరిమానా కూడా చెల్లించాలంటూ తీర్పు వెలువరించింది. కేరళలో అస్ఫాక్‌ ఆలం (28) అయిదేళ్ల బాలికకు మిఠాయిలు కొనిపెడతానని చెప్పి బయటకు తీసుకుపోయాడు. తర్వాత నిర్మానుష్య ప్రదేశానికి తీసుకెళ్లిన బాలికకు మద్యం తాగించి పదేపదే అత్యాచారం చేశాడు. అనంతరం ఆ బాలిక దుస్తులనే మెడకు బిగించి హతమార్చాడు.