స్టాక్‌ మార్కెట్లు భారీ లాభాల్లో ముగిశాయి. వారాంతం రోజున సెన్సెక్స్‌ 909.64 పాయింట్లు లాభపడి 60,841.88 వద్ద ముగిసింది. నిఫ్టీ కూడా 243.65 పాయింట్ల లాభంతో 17,854.05 దగ్గర స్థిరపడింది. టీసీఎస్, టైటాన్, ఐసీసీ, ఐటీసీ, ఎంఅండ్‌ఎం, ఏషియన్ పెయింట్స్‌, యాక్సిస్‌ బ్యాంకు, కోల్ ఇండియా, బ్యాంక్ ఆఫ్ బరోడా, ఎన్‌టీపీసీ, నెస్లే ఇండియా షేర్లు లాభాల్లో దూసుకెళ్లాయి. సాఫ్ట్‌వేర్‌ కంపెనీల షేర్లు నష్టాలు చవిచూశాయి. ఇక డాలరుతో పోలీస్తే రూపాయి మారకం విలువ 81.86గా ఉంది.

షేర్ మార్కెట్లలో బడ్జెట్ జోష్ కనిపిస్తోంది. బడ్జెట్ రోజున స్టాక్ మార్కెట్లు లాభాలతో ప్రారంభమయ్యాయి. ప్రస్తుతం నిఫ్టీ 120 పాయింట్లు లాభపడి 17,782 పాయింట్ల వద్ద కొనసాగుతోంది. సెన్సెక్స్ 444 పాయింట్లు లాభపడి 59,993 పాయింట్ల వద్ద ట్రేడ్ అవుతోంది. విప్రో, రిలయన్స్, పవర్ గ్రిడ్, ఎన్టీపీసీ, ఏషియన్ పెయింట్స్, నెస్లే షేర్లు అత్యధికంగా లాభాల బాటలో పయనిస్తున్నాయి. కాగా సన్ ఫార్మా, ఐటీసీ షేర్లు ప్రారంభంలోనే నష్టాల్లో కూరుకుపోయాయి.

స్టాక్ మార్కెట్లను వరుసగా రెండు రోజు నష్టాలు ముంచెత్తాయి. శుక్రవారం సెన్సెక్స్ 874.16 పాయింట్లు పతనమయ్యింది. దీంతో రెండు రోజుల్లో రూ. 10.65 లక్షల కోట్ల మదుపర్ల సంపద ఆవిరి అయ్యింది. అంతర్జాతీయంగా సానుకూల పవనాలు ఉన్నా… వచ్చేవారం బడ్జెట్, అదానీ షేర్ల ప్రభావంతో భారీగా నష్టపోయాయి. బ్యాకింగ్ షేర్లు కూడా కుదేలయ్యాయి. ఒకానొక దశలో 1100 పాయింట్లు కోల్పోయి 58,974.90 కనిష్టాన్ని తాకింది. డాలర్‌తో పోలీస్తే రూపాయి మారకం విలువ 81.49 వద్ద నిలిచింది.