వచ్చే ఎన్నికల్లో కారును పోలిన గుర్తులను తొలగించాలని బీఆర్ఎస్ పార్టీ సుప్రీం కోర్టును ఆశ్రయించింది. తొలుత ఢిల్లీ హైకోర్టులో పిటిషన్ దాఖలు చేసుకున్నప్పటికీ సాంకేతిక కారణాలతో పిటిషన్‌ను వెనక్కు తీసుకుంది. గత ఎన్నికల్లో కారును పోలిన గుర్తుల వల్ల తీవ్రంగా నష్టపోయినట్లు పిటిషన్‌లో పేర్కొంది. రోడ్ రోలర్, చపాతి రోల్ వంటి గుర్తులను తొలిగించేలా ఎన్నికల సంఘాన్ని ఆదేశించాలని కోరింది. దీనిపై సుప్రీంకోర్టు త్వరలో విచారణ చేపట్టనుంది.
hyd: చెరువులో ఈతకు వెళ్లి ఇద్దరు యువకులు మృతి చెందారు. ఈ విషాద ఘటన సికింద్రాబాద్‌లో చోటుచేసుకుంది. స్థానికుల సమాచారంతో సంఘటన స్థలానికి చేరుకున్న పోలీసులు, ఒకjరి మృతదేహాన్ని వెలికి తీశారు. మరొకరి మృతదేహం కోసం గజ ఈతగాళ్లు, అగ్నిమాపక సిబ్బంది, బోట్ల సహాయంతో వెతుకుతున్నారు. సికింద్రాబాద్ కౌకూరి దర్గాలో గంధం పండుగ సందర్భంగా నాంపల్లి నుంచి ఆ ఇద్దరు యువకులు వచ్చారని పోలీసులు తెలిపారు.
తెలంగాణలో సీఎం కేసీఆర్ అవినీతి పాలన కొనసాగుతోందని కేఏపాల్ ఆరోపించారు. కాంగ్రెస్‌లో బీఆర్ఎస్ పార్టీ మద్దతుదారులు ఉన్నారని తెలిపారు. వారు గెలిచి మళ్లీ ఆ పార్టీలోనే చేరుతారని చెప్పారు. కాంగ్రెస్‌లో ఉన్న తమ వాళ్లను గెలిపించుకునేందుకు కేసీఆర్ కుట్ర చేస్తున్నారన్నారు.. అలాగే తెలంగాణ జనసేన, వైసీపీ పార్టీలను కూడా కేసీఆర్ వాడుకుంటున్నారని ఆరోపించారు. ప్రజాశాంతి పార్టీలో 60శాతం మంది బీసీలకు సీట్లు ఇచ్చేందుకు సిద్ధంగా ఉన్నామని కేఏపాల్ స్పష్టం చేశారు. మరో వారం రోజుల్లో తమ పార్టీ అభ్యుర్థులను ప్రకటిస్తామని పేర్కొన్నారు.
తాను సీఎం అయినంక రాష్ట్రంలో బెల్ట్ షాపులను బంద్ చేస్తా అని కాంగ్రెస్ ఎంపీ కోమటి రెడ్డి వెంకట్‌ రెడ్డి అన్నారు. పార్టీ నుంచి సీఎం రేసులో ఇద్దరు, ముగ్గురం సీఎం అభ్యర్థులు ఉన్నామని పేర్కొన్నారు. అయితే ఈ వ్యాఖ్యలపై ఆ పార్టీ నేతలు మండిపడుతున్నారు. ముందు ఎన్నికల్లో ఎలా గెలవలనేదానిపై దృష్టి పెడితే మంచిదన్నారు. సీఎం అభ్యర్థి ఎంపికను అధిష్ఠానం చూసుకుంటుందని సూచించారు. తొందరపాటు వ్యాఖ్యలతో ప్రజల్లో చులకన కావొద్దని అభిప్రాయపడ్డారు.
ఈరోజు సాయంత్రం సీఎం కేసీఆర్ మంత్రులు హరీశ్ రావు, కేటీఆర్‌తో కీలక సమావేశం కానున్నారు. ఎన్నికల్లో అనుసరించాల్సిన వ్యూహాలపై చర్చించేందుకు ఇద్దరితో కేసీఆర్ సమాలోచనలు జరపనున్నారు. ఎన్నికలకు ముందే పార్టీలోని అసంతృప్త నేతలను బుజ్జగించడం, మేనిఫెస్టోపై తుది కసరత్తు, పెండింగ్ నియోజకవర్గాల్లో అభ్యర్థులను ప్రకటించడంపై కేసీఆర్ ఆలోచనలు పంచుకోనున్నారు. ఎలక్షన్స్ ఇన్ఛార్జ్ లుగా ఎవరిని ఎక్కడ నియమించాలనే అంశంపైనా చర్చించనున్నారు.
స్కిల్ స్కాం కేసులో లోకేష్ ముందస్తు బెయిల్ పిటిషన్‌ను హైకోర్టు డిస్పోజ్ చేసింది. కోర్టు ముందు వాదనలు వినిపించిన సీఐడీ.. లోకేష్‌ను అరెస్ట్ చేయం. కానీ 41ఏ కింద నోటీసులు అందిస్తాం. విచారణకు పిలుస్తాం అని పేర్కొంది. మరోవైపు ఆంగళ్లు కేసులో చంద్రబాబు పెట్టుకున్న ముందస్తు బెయిల్ పిటిషన్‌పై ఏపీ హైకోర్టు తీర్పు రిజర్వు చేసింది. రేపు బెయిల్ పిటిషన్‌పై తీర్పు వెలువరించనుంది.
హనుమకొండ- గుండ్ల సింగారంలో దారుణం ఘటన వెలుగు చూసింది. ఆస్తి గొడవల కారణంగా సొంత అత్తను అల్లుడు కాల్చి చంపాడు. రక్తపు మడుగులో ఉన్న హతురాలు కమలమ్మ మృతదేహాన్ని పోస్ట్ మార్టం నిమిత్తం ఆస్పత్రికి తరలించారు. నిందితుడు ప్రసాద్‌ కోటపల్లి కానిస్టేబుల్‌గా పనిచేస్తున్నాడు. ప్రస్తుతం పరారీలో ఉన్న ప్రసాద్‌ను పట్టుకునేందుకు పోలీసులు గాలిస్తున్నారు.
టీడీపీ నేత నారా లోకేశ్ కేంద్ర హోం మంత్రి అమిత్ షాతో భేటీ అయ్యారు. చంద్రబాబు అరెస్ట్ అయినప్పటి నుంచి ఢిల్లీలో ఉంటున్న లోకేశ్ ఇప్పుడు బీజేపీ ఏపీ అధ్యక్షురాలు పురందేశ్వరితో కలిసి అమిత్ షాను కలవడంపై చర్చ జరుగుతోంది. తన తండ్రి అరెస్ట్, కోర్టుల్లో జరుగుతున్న విచారణ గురించి అమిత్ షాకు వివరించినట్లు లోకేశ్ ట్విట్టర్‌లో పేర్కొన్నారు. ఏపీ ప్రభుత్వం చంద్రబాబును జైలుకు పంపించి కక్ష సాధింపు చర్యలకు పాల్పడుతోందని ఫిర్యాదు చేసినట్లు తెలిపారు.
టీడీపీ జాతీయ కార్యదర్శి నారా లోకేష్ సీఎం జగన్‌పై సంచలన వ్యాఖ్యలు చేశారు. పాము కళేబరమున్న ఖర్జూరాల్ని గర్భిణులకు పంపిణీ చేశారని ఆరోపించారు. సైకో జగన్‌ ఇచ్చేది పౌష్టికాహారమా? విషాహారమా? అని ప్రశ్నించారు. వైఎస్‌ఆర్‌ సంపూర్ణ పోషణ పథకం కింద ఇచ్చిన ఎండు ఖర్జూరం ప్యాకెట్‌లో పాము కళేబరం ఉన్న ఫొటోలు, వీడియోలను ట్విట్టర్‌లో పోస్ట్ చేశారు. చిత్తూరు జిల్లా జంబువారిపల్లి శాంతినగర్ అంగన్వాడీ కేంద్రంలో గర్భిణులకి ఇచ్చే పౌష్టికాహారంలో చచ్చిన పాము బయటపడినట్లు పేర్కొన్నారు. https://x.com/naralokesh/status/1712295250071310554?s=20
తెలంగాణ ఎన్నికల రేసులో వైఎస్ విజయమ్మ, వైఎస్ షర్మిల నిలవనున్నట్లు తెలిసింది. 100 సీట్లల్లో వైఎస్ షర్మిల పార్టీ వైఎస్ఆర్‌టీపీ పోటీ చేయనున్నట్లు తెలిసింది. పాలేరు, మిర్యాలగూడ 2 స్థానాల నుంచి వైఎస్ షర్మిల పోటీ చేయనున్నారు. సికింద్రాబాద్ నుంచి వైఎస్ విజయమ్మ బరిలోకి దిగనున్నారు. మిర్యాలగూడ, పాలేరులో ఆంధ్ర సెటిలర్ల ఓట్లు ఎక్కువగా ఉండటంతో షర్మిల ఈ స్థానాల్లో పోటీ చేసేందుకు మొగ్గు చూపుతున్నారు. తొలుత YSRTP పార్టీని కాంగ్రెస్‌లో విలీనం చేస్తారని భావించినప్పటికీ.. కాంగ్రెస్ ఇచ్చిన ఆఫర్ నచ్చకపోవడంతో ఒంటరిగానే బరిలోకి … Read more
@2021 KTree