తెలుగు రాష్ట్రాల్లో ‘ఒక్కడు’ మేనియా

సూపర్‌స్టార్ మహేష్ బాబు హీరోగా, భూమిక హీరోయిన్‌గా నటించిన ‘ఒక్కడు’ మూవీని 4Kలో రీ రిలీజ్ చేశారు. రెండు తెలుగు రాష్ట్రాల్లో ఒక్కడు సినిమా ప్రదర్శిస్తున్నథియేటర్ల వద్ద మహేష్ అభిమానులు [సందడి](url) చేస్తున్నారు. బైక్ ర్యాలీలు చేస్తూ కోలాహలంగా ఉన్నారు. కాగా ‘ఒక్కడు’ సినిమా రిలీజై 20 ఏళ్లు పూర్తి చేసుకుంది. 2003లో ఈ సినిమాను థియేటర్లలో విడుదల చేయగా బ్లాక్‌బస్టర్‌గా నిలిచింది. 8 నంది అవార్డులను కొల్లగొట్టింది. గుణశేఖర్ ఈ మూవీని తెరకెక్కించారు. ఎంఎస్ రాజు నిర్మాతగా వ్యవహరించారు.