అమెరికాలో చదువుకుంటున్న తెలుగు విద్యార్థిపై ఓ దుండగుడు కత్తితో దాడి చేశాడు. అమెరికాలోని ఓ విశ్వవిద్యాలయంలో ఖమ్మం జిల్లాకు చెందిన వరుణ్‌రాజ్‌(29) ఎంఎస్‌ చదువుతూ పార్ట్‌టైం జాబ్‌ చేస్తున్నాడు. ఈ క్రమంలో పని ముగించుకుని ఇంటికి వెళ్తుండగా ఒక దుండగుడు కత్తితో అతడిపై దాడిచేశాడు. వెంటనే స్థానికులు అతడిని ఆసుపత్రికి తరలించారు. వైద్యులు వరుణ్‌కు శస్త్రచికిత్స చేశారు. వరుణ్ ఆరోగ్య పరిస్థితిపై పూర్తి వివరాలు తెలియాల్సి ఉంది. నిందితుడిని పోలీసులు అందుపులోకి తీసుకున్నారు.