శర్వానంద్ పెళ్లి సందడి షురూ

టాలీవుడ్ హీరో శర్వానంద్, రక్షితారెడ్డిల పెళ్లి సందడి మొదలైంది. జైపూర్‌లోని లీలాప్యాలెస్‌లో వివాహ వేడుకలు అంగరంగ వైభవంగా జరుగుతున్నాయి. ఇప్పటికే హల్దీ వేడుక ప్రారంభమైంది. ఈ హల్దీ ఫంక్షన్‌లో సందడంతా శర్వానంద్‌దే. వైట్ అండ్ వైట్ డ్రెస్‌లో శర్వా తన స్నేహితులు, కజిన్స్‌కు పసుపు పూసి ఆటపట్టిస్తున్నాడు. ఇందుకు సంబంధించిన వీడియో నెట్టింట్లో వైరల్‌గా మారింది. కాగా రేపు రాత్రి 11 గంటలకు వీరిద్దరి వివాహం జరగనుంది. ఈ వేడుకకు పలువురు సినీ, రాజకీయ ప్రముఖులు హాజరుకానున్నారు.