స్కిల్ డెవలప్‌మెంట్ కేసులో చంద్రబాబు దాఖలు చేసిన క్వాష్ పిటిషన్‌పై నేడు సుప్రీం కోర్టులో తుది వాదనలు జరగనున్నాయి. అవినీతి నిరోధక చట్టం 17ఏ ప్రకారం గవర్నర్ నుంచి ముందస్తు అనుమతి తీసుకోకుండా తనను అరెస్ట్ చేశారని ఆ కేసును కొట్టివేయాలని చంద్రబాబు క్వాష్ పిటిషన్ దాఖలు చేశారు. సెప్టెంబర్ 23 నుంచి ఈ కేసు విచారణలు వాయిదా పడుతూ వస్తోంది. చంద్రబాబు తరఫున హరీష్ సాల్వే, సీఐడీ తరఫున ముకుల్ రోహత్గీ వాదనలు వినిపిస్తున్నారు.
సోషల్ మీడియాలో న్యాయానికి సంకెళ్లు అనే హ్యాష్ ట్యాగ్ ట్రెండ్‌ అవుతోంది. చంద్రబాబు అరెస్ట్‌కు నిరసనగా ఏపీ వ్యాప్తంగా టీడీపీ అభిమానులు కార్యకర్తలు ఆందోళనలు చేపట్టారు, చేతులకు తాళ్లు, సంకెళ్లు, రిబ్బన్లు కట్టుకుని తమ నిరసన వ్యక్తం చేశారు. బాబుతో నేను అంటూ తమ నిరసన వీడియోలను సోషల్ మీడియాలో పోస్ట్ చేస్తున్నారు. రాజమండ్రిలో జరిగిన కార్యక్రమంలో నారా భువనేశ్వరి, బ్రాహ్మణి పాల్గొన్నారు.
టీడీపీ అధినేత చంద్రబాబు ఆరోగ్యంపై వైసీపీ ప్రభుత్వం నిర్లక్ష్యంగా వ్యవహరిస్తోందని జనసేన అధ్యక్షుడు పవన్ కళ్యాణ్ ఆరోపించారు. ఆయన ఆరోగ్య పరిస్థిపై వైసీపీ ప్రభుత్వ వైఖరి అమానవీయంగా ఉందన్నారు. ఇలాంటి పరిస్థితుల్లో రాజకీయ కక్ష్య పనికిరాదన్నారు. వైద్యుల నివేదికలు పక్కన పెట్టి దారుణంగా ప్రవర్తిస్తున్నారని విమర్శించారు. చంద్రబాబు ఆరోగ్యంపై డాక్టర్ల నివేదిక బయటపెట్టాలని డిమాండ్ చేశారు.
టీడీపీ అధినేత చంద్రబాబు అరెస్టుపై మంత్రి మల్లారెడ్డి స్పందించారు. 45 ఏళ్ల రాజకీయ చరిత్ర 14 ఏళ్లు సీఎంగా చేసిన వ్యక్తిని జైలులో పెడతారా?అని మండిపడ్డారు. ఎఫ్ఐఆర్‌లో ఆయన పేరు లేకపోయినా ఎలా అరెస్టు చేస్తారంటూ నిలదీశారు. దేశంలోనే ది బెస్ట్‌ సీఎంగా చంద్రబాబు పేరు తెచ్చుకున్నారని కొనియాడారు. అలాంటి వ్యక్తిని జైలులో పెట్టి ఇబ్బంది పెట్టడం సరికాదన్నారు. చంద్రబాబు ఆరోగ్య పరిస్థితి గురించి తెలిసిన తర్వాత చాలా బాధేసిందని మంత్రి మల్లారెడ్డి ఆవేదన వ్యక్తం చేశారు.
టీడీపీ అధినేత చంద్రబాబు ఆరోగ్య సరిస్థితిపై చంద్రబాబు తరపు న్యాయవాదులు ఏసీబీ కోర్టులో పిటిషన్ వేశారు. రాజమహేంద్రవరం జైలు అధికారులు ప్రభుత్వ వైద్యుల సూచనలను పాటించేలా చూడాలని అందులో పేర్కొన్నారు. ఈ పిటిషన్‌పై ఏసీబీ కోర్టు వాదనలు విననుంది. చంద్రబాబును చల్లని వాతావరణంలో ఉంచాలని ఇప్పటికే ప్రభుత్వ వైద్యులు జైలు అధికారులకు సూచించారు. చంద్రబాబు కుటుంబసభ్యులు కూడా ఆయన ఆరోగ్య పరిస్థితిపై ఆందోళన వ్యక్తం చేస్తున్నారు.
TG: చంద్రబాబును అరెస్టును నిరసిస్తూ ఆయన అభిమానులు హైదరాబాద్‌లో ‘లెట్స్ మెట్రో ఫర్ సీబీఎన్’ కార్యక్రమానికి పిలుపునిచ్చారు. ఈ నేపథ్యంలో అప్రమత్తమైన సిటీ పోలీసులు అన్నీ మెట్రో స్టేషన్ల ద్వారాల వద్ద భారీ భద్రతను ఏర్పాటు చేశారు. నల్ల చొక్కాలు ధరించిన వారిని లోనికి అనుమతించడం లేదు. అటు చంద్రబాబు అభిమానులు భారీగా తరలిరావడంతో మియాపూర్‌ మెట్రో స్టేషన్‌ను పోలీసులు తాత్కాలికంగా మూసివేశారు. కొద్దిసేపటి తర్వాత ప్రయాణికులను అనుమతించారు. టీడీపీ అధినేత చంద్రబాబు గారికి మద్దతుగా "లెట్స్ మెట్రో ఫర్ సీబీఎన్" కార్యక్రమం. చంద్రబాబు … Read more
AP: అనారోగ్యం పేరుతో తెదేపా అధినేత చంద్రబాబును అంతమొందించే కుట్ర జరుగుతోందని ఆ పార్టీ జాతీయ ప్రధాన కార్యదర్శి నారా లోకేశ్‌ ఆరోపించారు. వ్యవస్థలను మేనేజ్‌ చేస్తూ చంద్రబాబును రిమాండ్‌లోనే ఉంచాలనే కుట్ర జరుగుతోందన్నారు ‘చంద్రబాబు జీవితం ప్రమాదంలో ఉంది. భద్రతలేని జైలులో ఆరోగ్యం క్షీణించేలా చేసి ప్రాణహాని తలపెడుతున్నారు. ఏ తప్పూ చేయని చంద్రబాబు పట్ల ప్రభుత్వం రాక్షసంగా వ్యవహరిస్తోంది. చంద్రబాబుకు ఏ హాని జరిగినా.. జగన్‌ సర్కార్‌దే బాధ్యత. ఆయన ఆరోగ్యంపై ఎందుకీ కక్ష?’ అని ప్రశ్నించారు.
AP: తెదేపా అధినేత చంద్రబాబు ఆరోగ్య పరిస్థితిపై ఆందోళన వ్యక్తమవుతోంది. ఈ నేపథ్యంలో ఆయన్ను రాజమహేంద్రవరం కేంద్ర కారాగారం నుంచి ఆస్పత్రికి తరలించడానికి ఏర్పాట్లు చేస్తున్నట్లు కనిపిస్తోంది. నిన్న రాత్రి రాజమహేంద్రవరం GGH ఆస్పత్రిలో ఉన్న వీఐపీ చికిత్స గదిని అధికారులు అత్యవసరంగా పరిశీలించారు. గదిలో రెండు ఆక్సిజన్‌ బెడ్లు, ఒక ఈసీజీ మిషన్‌, వెంటిలేటర్‌, వైద్య పరికరాలు, మందులు అందుబాటులో ఉంచారు. దీన్ని బట్టి ఆయన్ను ఆస్పత్రికి తరలించే ఛాన్స్‌ ఉందని టీడీపీ వర్గాలు భావిస్తున్నాయి.
‘వ్యూహం’ సినిమా తర్వాత అదే నా చివరి రాజకీయ చిత్రమని దర్శకుడు రామ్‌గోపాల్‌ వర్మ తెలిపారు. ‘వ్యూహం’ ట్రైలర్ విడుదల సందర్బంగా ఆయన మట్లాడుతూ..టీడీపీ అధినేత చంద్రబాబును తానేప్పుడూ కలవలేదని చెప్పారు. ఆయనతో ఎలాంటి శత్రుత్వం లేదన్నారు. తనకు ఏపీ రాజకీయ పరిస్థితులపై పెద్దగా అవగాహణ లేదని చెప్పారు. వ్యూహంలో ఇద్దరు వ్యక్తుల మధ్య దృష్టికోణాన్ని మాత్రమే ఆవిష్కరించామని చెప్పుకొచ్చారు. సమాజంలో జరిగే సంఘటనల ఆధారంగా సినిమా రూపొందించామని వర్మ చెప్పుకొచ్చారు.
చంద్రబాబు ఆరోగ్య పరిస్థితిపై లోకేష్ ట్వీట్ బాధను కలిచిందని మంత్రి కేటీఆర్ అన్నారు. కుమారుడిగా లోకేష్ ఆవేదన ఎలా ఉంటుందో తనకు తెలుసన్నారు. కేసీఆర్ నిరాహార దీక్ష సమయంలో తనకు ఆందోళన కలిగిందని చెప్పారు. హైదరాబాద్ ప్రశాంతంగా ఉండాలనే చంద్రబాబు అరెస్టుపై ఆందోళనలు వద్దంటున్నానని కేటీఆర్ పేర్కొన్నారు.
@2021 KTree