పిల్లలూ.. మీరు ఆకర్షణ మాదిరి చేయ్యాలి!

11 ఏళ్ల చిన్నారి ఆకర్షణ సతీష్ అందరి చేత శభాష్ అనిపించుకుంటోంది. హైదరాబాద్‌లో లైబ్రరీలు లేని ప్రాంతాల్లో చిన్నారుల కోసం గ్రంథాలయాలు ఏర్పాటు చేసేందుకు పూనుకుంది. ఇప్పటి వరకు నగరంలో సనత్ నగర్ పోలీస్ స్టేషన్, MNJ పిల్లల క్యాన్సర్ ఆస్పత్రి, తాజాగా కాచిగుడ వద్ద మరో లైబ్రరీని ఏర్పాటు చేసింది. తన స్నేహితులు, బంధువులు, దాతల సాయంతో దాదాపు 4,800 పుస్తకాలను కలెక్ట్ చేసింది. ఆకర్షణ ఆలోచనను శిఖా గోయల్ IPS మెచ్చుకున్నారు. చిన్నారికి తమ వంతుగా పోలీసుల నుంచి సాయం అందజేస్తామని హామీ ఇచ్చారు.