ప్రముఖ కొరియన్ కంపెనీ శాంసంగ్ (Samsung) సరికొత్త ల్యాప్‌టాప్‌తో భారత్‌లో అడుగు పెట్టబోతోంది. ‘శాంసంగ్ గెలాక్సీ బుక్ 4 సిరీస్’ (Samsung Galaxy Book 4 Series) పేరుతో కొత్త ల్యాప్‌టాప్‌ను లాంచ్ చేసేందుకు సిద్ధమైంది. గతేడాది డిసెంబర్‌లోనే ఈ ల్యాప్టాప్ గ్లోబల్‌ మార్కెట్‌లో అడుగుపెట్టింది. అతి త్వరలోనే దేశీయ మార్కెట్‌లోనూ ఇది లభించనుంది. ఇందుకు అనుగుణంగా ‘Samsung Galaxy Book 4’ ప్రీ బుకింగ్స్‌ను కూడా కంపెనీ నేటి నుంచి ఆహ్వానిస్తోంది. ఈ నేపథ్యంలో ఈ నయా ల్యాప్టాప్ ఫీచర్లపై ఓ లుక్కేద్దాం.
మూడు వేరియంట్లలో..
Samsung Galaxy Book 4 Series నుంచి మూడు వేరియంట్లలో ల్యాప్‌టాప్‌లు అందుబాటులోకి రానున్నాయి. గెలాక్సీ బుక్ 4 ప్రో (Galaxy Book 4 Pro), గెలాక్సీ బుక్ 4 ప్రో 360 (Galaxy Book 4 Pro 360), గెలాక్సీ బుక్ 4 ప్రో అల్ట్రా (Galaxy Book 4 Ultra) మోడళ్లలో ల్యాప్టాప్ లభించనుంది. ప్రస్తుతం గెలాక్సీ బుక్ 4 ప్రో, గెలాక్సీ బుక్ 4 ప్రో 360 ల్యాప్‌టాప్‌ల ప్రీ బుకింగ్స్‌ను మాత్రమే కంపెనీ ఆహ్వానిస్తోంది.
ల్యాపీ స్క్రీన్‌
Galaxy Book 4 Pro, Book 4 Pro 360 ల్యాప్‌టాప్‌లు.. వరుసగా 14, 16 అంగుళాల AMOLED WQXGA+ స్క్రీన్‌ను కలిగి ఉన్నాయి. 1,800×2,880 pixels క్వాలిటీ, 120Hz రిఫ్రెష్‌ రేటు, 400 nits పీక్‌ బ్రైట్‌నెస్‌ను డిస్‌ప్లేకు అందించారు. Intel Core Ultra 7 లేదా Intel Core Ultra 5 ప్రొసెసర్‌తో ఇవి భారత్‌లో అడుగుపెట్టే అవకాశముంది. ‘Arc graphics’ ఫీచర్‌ ల్యాప్‌టాప్‌లో ఇన్‌బిల్ట్‌గా వస్తుంది.
ఆపరేటింగ్‌ సిస్టమ్‌
ఈ నయా ల్యాప్టాప్ ‘Windows 11 Home’ ఆపరేటింగ్‌ సిస్టమ్‌తో రానున్నాయి. ఇది బిజినెస్‌ టైప్‌ ల్యాప్టాప్. 1.23 Kg,312.3 x 223.8 x 11.6 mm కొలతలు, 1.23 కేజీల బరువును ఈ శాంసంగ్ ల్యాప్టాప్ కలిగి ఉంది.
స్టోరేజ్ ఆప్షన్
Galaxy Book 4 Series.. 16GB / 32GB RAM, 256GB / 512GB / 1TB NVMe SSD స్టోరేజ్‌తో రానుంది. MicroSD స్లాట్‌ సౌకర్యం కూడా ఈ ల్యాప్‌టాప్‌కు అందించారు. దీని ద్వారా స్టోరేజ్ సామర్థ్యాన్ని మరింత పెంచుకునేందుకు వీలు పడుతుంది.
గేమింగ్ ఎక్స్‌పీరియన్స్
ఈ శాంసంగ్ ల్యాప్టాప్ AI ఆధారిత ‘NVIDIA స్టూడియో టెక్నాలజీ’తో రూపొందింది. ఇది నాణ్యమైన గేమింగ్ అనుభవాన్ని అందించేందుకు ఉపయోగపడుతుంది. ల్యాప్‌టాప్‌లోని DLSS టెక్నాలజీ హైయర్ ఇమేజ్‌ క్వాలిటీని అందిస్తాయి. భారీ స్టోరేజ్‌తో వచ్చే గేమ్స్‌ను సైతం ఈ ల్యాప్టాప్ హ్యాండిల్‌ చేస్తుందని కంపెనీ వర్గాలు తెలిపాయి.
వెబ్‌ కెమెరా
వెబ్‌ సెమినార్లు, ఆన్‌లైన్ ఇంటర్యూలకు ఉపయోగపడేలా ఈ ల్యాప్‌టాప్‌లో 2MP వెబ్‌ కెమెరాను ఫిక్స్‌ చేశారు. దీని సాయంతో స్పష్టమైన వీడియో కాల్‌ క్వాలిటీని పొందవచ్చని కంపెనీ వర్గాలు తెలిపాయి. విదేశాల్లో ఈ ల్యాప్‌టాప్‌ను కొన్నవారు వెబ్‌క్యామ్‌ ఫీచర్‌కు మంచి మార్కులే ఇచ్చారు.
బ్యాటరీ
Samsung Galaxy Book 4 Series.. సుదీర్ఘ బ్యాటరీ లైఫ్‌తో రానుంది. దీనికి 76Wh బ్యాటరీని అందించారు. 65W వైర్‌డ్‌ ఛార్జింగ్‌ సపోర్టును ఇది కలిగి ఉంది. 55 శాతం ఛార్జింగ్‌ కావడానికి ఈ ల్యాప్టాప్ 30 నిమిషాల సమయం మాత్రమే తీసుకుంటుందని శాంసంగ్ వర్గాలు వెల్లడించాయి.
రీసైకిల్డ్ మెటిరీయల్స్
శాంసంగ్ గెలాక్సీ బుక్ 4 ల్యాప్టాప్స్ని రీసైకిల్డ్ మెటిరీయల్స్తో తయారు చేశారు. అల్యూమినియం, గ్లాస్, ప్లాస్టిక్తో పాటు ఇతర మెటీరియల్స్ని తయారీ కోసం ఉపయోగించారు. దీని వల్ల ల్యాప్‌టాప్స్‌ దృఢంగా ఉండటంతో పాటు ఆకర్షణీయమైన లుక్‌ను కలిగి ఉన్నాయి.
అడిషనల్‌ ఫీచర్లు
ఈ గెలాక్సీ బుక్4 సిరీస్లోని ల్యాప్టాప్స్లో క్వాడ్ స్పీకర్స్, డాల్బీ అట్మోస్ సపోర్ట్, ఏఐ అసిస్టెడ్ నాయిస్ క్యాన్సిలేషన్, డ్యూయల్ మైక్రోఫోన్ వంటి ఫీచర్స్ ఉన్నాయి. అలాగే బ్లూటూత్ ఎల్ఈ ఆడియో, బ్లూటూత్ 5.3, Wi-Fi 6E, HDMI 2.1 port, Pro Keyboard వంటి ఫీచర్స్ను కూడా ఈ శాంసంగ్ ల్యాప్‌టాప్స్‌ కలిగి ఉంది.
ధర ఎంతంటే?
Samsung Galaxy Book 4 సిరీస్ ధరలను కంపెనీ అధికారికంగా ప్రకటించలేదు. అయితే Book 4 Pro 360 ధర రూ.1,29,900గా ఉండొచ్చని మార్కెట్ వర్గాలు అంచనా వేశాయి. Galaxy Book 4 Pro ధర Pro 360 కంటే కాస్త తక్కువే అభిప్రాయపడ్డాయి. మరోవైపు ఈ ల్యాప్‌టాప్‌కు సంబంధించిన ప్రీ బుకింగ్స్ కొద్ది గంటల క్రితమే ప్రారంభమయ్యాయి. శాంసంగ్ అధికారిక వెబ్‌సైట్‌తో పాటు స్టోర్లలో రూ.1,999 చెల్లించి ల్యాప్‌టాప్‌ను బుక్ చేసుకోవచ్చు. ప్రీబుకింగ్‌ చేస్కున్న వారికి రూ.5000 వరకూ రాయితీ పొందవచ్చని శాంసంగ్ ప్రకటించింది.
