4 నెలల్లో 900 మైళ్ల ఈత

బ్రిటన్‌కు చెందిన 23 ఏళ్ల యువతి కేవలం 110 రోజుల్లో 900 మైళ్ల దూరాన్ని ఈదుకుంటూ గమ్యానికి చేరింది. బ్రిటన్ స్విమ్మర్ జాస్మిన్ ‘సెల్టిక్’ సముద్రంలో ఈత కొట్టి రికార్డు సాధించింది. రోజుకు 12 గంటలపాటు 28 కి.మీ ఈదింది. భోజనం, నిద్ర కోసం ఆమె ఏర్పాటు చేసుకున్న పడవలోకి వెళ్లేది. అటు షార్క్స్, ఇటు అలలను తప్పించుకుంటూ ఆమె ఈదుకుంటూ గమ్యానికి చేరుకుంది. సీ షెఫర్డ్ యూకే అనే స్వచ్ఛంద సంస్థ కోసం నిధులు సేకరించటానికి ఈ సాహస యాత్ర చేసినట్లు జాస్మిన్ తెలిపింది.