గన్ మిస్ ఫైరింగ్ జరిగి అమెరికాలో ఓ తెలుగు విద్యార్థి దుర్మరణం పాలయ్యాడు. తెలంగాణలోని ఖమ్మం జిల్లా మధిరకు చెందిన మహంకాళి అఖిల్ సాయి ఏడాది కిందట అమెరికా వెళ్లాడు. అలబామాలోని అబర్న్ వర్సిటీలో ఎంఎస్ చదువుతూ.. ఓ గ్యాస్ స్టేషన్‌లో పార్ట్ టైమ్ జాబ్ చేస్తున్నాడు. ఈ క్రమంలో అక్కడ పనిచేసే సెక్యూరిటీ గార్డు తుపాకీ తీసుకుని పరిశీలిస్తుండగా మిస్ ఫైర్ జరిగింది. తూటా అఖిల్ తలలోకి దూసుకెళ్లడంతో అక్కడికక్కడే మృతి చెందాడు.
మెక్సికో సరిహద్దుల గుండా అమెరికాలోకి అక్రమంగా ప్రవేశించే ఒక్కో భారతీయుడి నుంచి 21 వేల డాలర్లు వసూలు చేస్తున్నట్లు అధికారులు గుర్తించారు. అక్రమంగా మనుషులను తరలించే మాఫియాలు మెక్సికో సరిహద్దుల్లో రెచ్చిపోతున్నట్లు వారు తెలిపారు. ‘‘మెక్సికో సరిహద్దులో రక్షణ లేదు. ఏ దేశం నుంచి వస్తున్నారన్న దానిపై మాఫియా ముఠాలు ధరలు వసూలు చేస్తున్నాయి. భారతీయుడైతే 21వేల డాలర్లు చెల్లించాలి. 7 వేల డాలర్ల నుంచి రేటు ప్రారంభమవుతుందని వారు చెప్పారు.
భారత్ కేంద్రంగా అమెరికాపై చైనా విమర్శలు గుప్పించింది. తమను దెబ్బతీసేందుకు భారత్‌ను పావుగా వాడుకుంటోందని డ్రాగెన్‌ అధికార పత్రిక గ్లోబల్ టైమ్స్‌ ఆరోపించింది. భారత్‌ను మిత్రదేశం చేసుకోవడం ద్వారా అమెరికా స్వప్రయోజనాలు పొందుతున్నట్లు పేర్కొంది. అటు చైనా వృద్ధిని అడ్డుకునేందుకు సైతం అగ్రరాజ్యం యత్నిస్తోందని మండిపడింది. అమెరికా ఒకే దెబ్బతో రెండు పిట్టల్ని కొట్టాలనుకుంటోందని గ్లోబల్ టైమ్స్‌ తన వ్యాసంలో పేర్కొంది. భారత్-అమెరికాల మధ్య అత్యంత కీలకమైన ఒప్పందం “ఐసీఈటీ” పై అక్కసు వెళ్లగక్కుతూ ఈ కథనం సాగింది.
మిస్ యూనివర్స్ పోటీల్లో తాను తీవ్ర వివక్షకు గురయ్యానని మిస్ రష్యా అన్నా లిన్నికోవా తెలిపారు. ఈ ఏడాది మిస్ యూనివర్స్ పోటీలు అమెరికాలో జరిగాయి. మిస్ యూనివర్స్‌గా బానీ గాబ్రియేల్ నిలిచింది. కాగా ఈ విశ్వసుందరి పోటీల్లో తాను తీవ్ర నిరాదరణ, అవమానం, వివక్షకు గురయ్యాయని లిన్నికోవా వాపోయింది. ఉక్రెయిన్ నెటిజన్లు తనను అవమానపరిచారని పేర్కొంది. తోటి కంటెస్టెంట్లు కూడా తనను అసహ్యంగా చూశారని.. ముఖ్యంగా మిస్ ఉక్రెయిన్ తనను నిప్పులాగా చూసిందని చెప్పుకొచ్చింది. Screengrab Instagram: anna__linnikova Courtesy Twitter: St. … Read more
అమెరికా, భారత్‌ల మధ్య సంబంధాల మెరుగుదలను చైనా జీర్ణించుకోలేక పోతోంది. భారత్, అమెరికా మధ్య కుదిరిన ‘ఇనిషియేటివ్ ఫర్ క్రిటికల్ అండ్ ఎమర్జెన్సీ టెక్నాలజీస్(iCET)’ ఒప్పందం అనంతరం చైనా కీలక వ్యాఖ్యలు చేసింది. ఈ భాగస్వామ్యం ఎక్కువకాలం నిలవబోదని చైనా పత్రిక కథనం ప్రచురించింది. భారత్‌ను తనవైపు తిప్పుకోవడానికి అమెరికా వ్యూహాత్మకంగా వ్యవహరిస్తోందని ఆరోపించింది. కానీ, అదేమీ జరిగే పని కాదని వెల్లడించింది. అయితే, చైనాకు చెక్ పెట్టడం కోసం కాకుండా భారత వృద్ధి కోసం ఈ ఒప్పందం చేసుకున్నట్లు అమెరికా, ఇండియా ప్రతినిధులు … Read more
కృత్రిమ మాంసం ఉత్పత్తిలో మరో ముందడుగు పడింది. కోడి స్టెమ్ సెల్స్‌తో కణాలను వృద్ధి చేసి తయారు చేసిన మాంసంలో అవసరమైన పోషకాలు ఉన్నాయని అమెరికా ఎఫ్‌డీఏ ఆమోదం తెలిపింది. అంటే భవిష్యత్తులో ఇక జంతువులను వధించడం తగ్గిపోతుంది. అమెరికాలో కృత్రిమ మాంసం తినడానికి దాదాపు 10శాతం మంది ఆసక్తి కనబరుస్తున్నారట. అయితే, ఈ మాంసం ఇండియాలో అందుబాటులోకి రావడానికి మరో ఐదారేళ్లు పట్టే అవకాశం ఉంది. ప్రస్తుతానికి కోడి మాంసాన్ని వృద్ధి చేశారు. తదనంతరం మేక, గొర్రె.. ఇలా కావాల్సిన జంతు మాంసాన్ని … Read more
TS: ఇటీవల గురుకులాల్లో బోధనా సిబ్బంది నియామకానికి ఆర్థిక శాఖ ఆమోదం తెలిపిన నేపథ్యంలో ఈ వారంలోనే నోటిఫికేషన్ విడుదల చేయాలని నియామక బోర్డు భావిస్తోంది. పీఈ, పీడీ వంటి న్యాయపరమైన ఇబ్బందులున్న పోస్టులు మినహా మిగతా వాటి భర్తీకి గురుకుల నియామక బోర్డు సిద్ధమవుతోంది. 2023-24 విద్యా సంవత్సరం ప్రారంభం అయ్యే లోపు నియామకాలు పూర్తి చేయాలని చూస్తోంది. ఈ వారంలో 6వేలకు పైగా పోస్టులకు ప్రకటన విడుదల చేసి.. 45 రోజుల్లోగా దరఖాస్తులు స్వీకరించాలని నియామకవ బోర్డు సమాలోచనలు చేస్తోంది. మొత్తం … Read more
ఓ వైపు టెక్ కంపెనీలు భారీ సంఖ్యలో ఉద్యోగులను తొలగిస్తోంటే.. నాన్ టెక్ కంపెనీలు మాత్రం నియామకాలు పెంచుతున్నాయని గ్లోబల్ జాబ్ సైట్ ఇండీడ్ తెలిపింది. ఎడ్యుకేషన్, హెల్త్ కేర్,కన్‌స్ట్రక్షన్, ఫుడ్ సర్వీసెస్‌లో డిమాండ్ పుంజుకుందని పేర్కొంది. ఎక్కువ జాబ్ పోస్టింగ్స్ బెంగళూరు నుంచి ఉన్నట్లు ఇండీడ్ వెల్లడించింది. ఆ తర్వాతి స్థానాల్లో ముంబై, పుణె, చెన్నై నుంచి ఉన్నట్లు తెలిపింది. కరోనా ఆంక్షలు లేకపోవడంతో నాన్ టెక్ రంగంలో ఉద్యోగాల నియామకం ఎక్కువగా ఉన్నట్లు పేర్కొంది.
భారతీయులకు అమెరికా గుడ్ న్యూస్ చెప్పింది. వచ్చే మార్చి 1 నుంచి హెచ్1బీ వీసాల దరఖాస్తు ప్రక్రియ ప్రారంభిస్తున్నట్లు యూఎస్‌సీఐఎస్ తెలిపింది. 2023-24 ఆర్థిక సంవత్సరానికి వీసాలు జారీ చేయనున్నట్లు పేర్కొంది. మార్చి 17 వరకు దరఖాస్తులు స్వీకరించనున్నట్లు ప్రకటించింది. అనంతరం లాటరీ పద్ధతి ద్వారా దరఖాస్తులు ఎంపిక చేసి వీసాలు జారీ చేస్తామని వివరించింది. కాగా ఏడాదికి 85 వేల హెచ్1బీ వీసాలను భారతీయులకు అమెరికా మంజూరు చేస్తుంది.
రాబోయే రెండేళ్లలో అమెరికాతో చైనా యుద్ధానికి దిగే అవకాశాలు కనిపిస్తున్నాయి. ఇందుకు యూఎస్ ఎయిర్‌ఫోర్స్ జనరల్ మైఖేల్ మినిహాస్ వ్యాఖ్యలే ఊతమిస్తున్నాయి. సైనిక సిబ్బందికి మినిహాస్ రాసిన లేఖను బట్టి యుద్ధం రావోచ్చనే ఊహాగానాలు తెరలేచాయి. 2025లో చైనాతో యుద్ధం వస్తుందని.. అందుకోసం అందరూ సిద్ధంగా ఉండాలని సైనికులకు రాసిన లేఖలో మినిహాస్ పేర్కొన్నాడు. తైవాన్ జలసంధికి సంబంధించి చైనాతో యుద్ధానికి దిగాల్సి వస్తుందని లేఖలో పేర్కొన్నాడు.
@2021 KTree