ఏఐసీసీ అధ్యక్షుడు మల్లిఖార్జున ఖర్గే ‘కుక్క’ వ్యాఖ్యలపై బీజేపీ నేతలు మండిపడ్డారు. పార్లమెంట్ ఉభయ సభలనూ కుదిపేశాయి. ‘‘ స్వాతంత్య్రం కోసం కాంగ్రెస్ నేతలు చాలా త్యాగాలు చేశారు. కానీ బీజేపీ నుంచి ఒక కుక్క కూడా చనిపోలేదు. మోదీ ప్రభుత్వం సింహంలా పనిచేస్తుందని చెబుతున్నారు. ఎలుకలా కూడా పని చేయటం లేదు.’’ అంటూ ఖర్గే వ్యాఖ్యానించారు. ఈ వ్యాఖ్యలపై బీజేపీ నేతలు ఆగ్రహంతో ఊగిపోతున్నారు. ఖర్గే క్షమాపణలు చెప్పాలని వారు డిమాండ్ చేస్తున్నారు.
హిమాచల్ ప్రదేశ్‌లో గెలుపు, గుజరాత్‌లో ఘోర పరాభవంపై కాంగ్రెస్ అధ్యక్షుడు మల్లికార్జున ఖర్గే స్పందించారు. తమ పార్టీని గెలిపించిన హిమాచల్ ప్రదేశ్ ఓటర్లకు ఖర్గే ధన్యవాదాలు తెలిపారు. హిమాచల్ ప్రదేశ్ అభివృద్ధికి కట్టుబడి ఉంటామని హామీ ఇచ్చారు. ప్రియాంకా గాంధీ, రాహుల్ పాదయాత్ర వల్లే గెలుపు సాధ్యమైందని ఆయన చెప్పారు. ఇక గుజరాత్‌లో ఘోర పరాభవంపై స్పందిస్తూ.. ప్రజాస్వామ్యంలో గెలుపు, ఓటములు సహజమన్నారు. లోటుపాట్లను గుర్తించి ముందుకెళ్తామని, నైతిక సిద్ధాంతాలతో పోరాటం కొనసాగిస్తామని ఖర్గే వెల్లడించారు. హిమాచల్ ప్రదేశ్‌లో కాంగ్రెస్ మెజారిటీ(35) మార్కు‌ని దాటేసింది.
కాంగ్రెస్ అధ్యక్షుడిగా ఎన్నికైన మల్లికార్జున ఖర్గే తిరిగి రాజ్యసభ ప్రతిపక్ష నేతగా వ్యవహరించే అవకాశం ఉంది. ‘ఒక వ్యక్తి.. ఒక పదవి’ నియమం మేరకు ప్రతిపక్ష నేత పదవికి రాజీనామా చేసి ఖర్గే అధ్యక్ష పదవికి పోటీ చేశారు. అయితే, ఖర్గేని మళ్లీ రాజ్యసభ ప్రతిపక్ష నేతగా నియమిస్తే పార్టీలో విమర్శలు ఎదురయ్యే అవకాశం ఉంది. ఈ పోస్టుకి సీనియర్ నేత చిదంబరాన్ని ఎంపిక చేస్తారనే వాదనలు కూడా వినిపిస్తున్నాయి. ఈ క్రమంలో కాంగ్రెస్ సీనియర్ నేత సోనియా గాంధీ పిలుపునిచ్చిన సమావేశానికి ప్రాధాన్యం … Read more
కాంగ్రెస్ అధ్యక్ష ఎన్నికలు రోజురోజుకు రసవత్తరంగా మారుతున్నాయి. పోటీ నుంచి దిగ్విజయ్ సింగ్ తప్పుకోవడంతో మల్లికార్జున ఖర్గే రేసులోకి వచ్చాడు. నేడు నామినేషన్ దాఖలు చేసే అవకాశం ఉంది. ఇప్పటికే అధ్యక్ష పదవికి శశి థరూర్ పోటీ పడుతున్నారు. మరోవైపు, మొదటి నుంచి అశోక్ గెహ్లాత్‌కి అధ్యక్ష స్థానం కట్టబెట్టాలని చూసినప్పటికీ రాజకీయ సంక్షోభంతో అది వీలు పడలేదు. దీంతో ఏఐసీసీ అధ్యక్షుడిగా ఎన్నికయ్యేందుకు మల్లికార్జున ఖర్గేకి అవకాశాలు పెరిగాయి.
@2021 KTree