మ‌ణిర‌త్నం ద‌ర్శ‌క‌త్వం వ‌హించిన ‘పొన్నియ‌న్ సెల్వ‌న్-1’ సినిమా సెప్టెంబ‌ర్ 30న రిలీజ్ కానుంది. అయితే ఈ సినిమాను చూసేందుకు సాధార‌ణ ప్రేక్ష‌కులు ఆస్తిక‌రంగా ఎదురుచూస్తున్న సంగ‌తి తెలిసిందే. కానీ ఇన్నిరోజులు ఇంటికే ప‌రిమిత‌మైన సీనియ‌ర్ సిటిజ‌న్లు కూడా ఈ మూవీని థియేట‌ర్ల‌లో చూడాల‌నుకుంటున్నార‌ట‌. త‌మిళ‌నాడులో ముఖ్యంగా ఈ ర‌క‌మైన టాక్ వినిప‌స్తుంది. మ‌ణిర‌త్నం సినిమాల‌కు ఉండే క్రేజ్ అలాంటిది మ‌రి. దాంతోపాటు ఆయ‌న‌ మొద‌టిసారిగా ఇలా యుద్ధానికి సంబంధించిన చారిత్రాత్మ‌క క‌థ‌ను తెర‌కెక్కించ‌డం, ప్ర‌ముఖ తార‌లు అంద‌రూ న‌టించ‌డం కూడా ముఖ్య కార‌ణంగా క‌నిపిస్తుంది.