• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • శబరిమల సందర్శనకు భారీగా బుకింగ్స్

    శబరిమల అయ్యప్పస్వామిని దర్శించుకునేందుకు భక్తులు ఆసక్తి కనబరుస్తున్నారు. సోమవారం ఒక్కరోజే లక్షలకు పైగా మంది భక్తులు దర్శనానికి బుకింగ్ చేసుకున్నట్లు దేవస్థానం అధికారులు వెల్లడించారు. భక్తుల రద్దీకి తగ్గట్లు భద్రతా ఏర్పాట్లు చేస్తున్నామని తెలిపారు. పంపా నుంచే భక్తులను నియంత్రిస్తున్నామని.. ప్రతి పాయింట్ వద్ద పోలీసులు పహారా కాస్తున్నారని పేర్కొన్నారు. క్యూ లైన్లలో నిలబడిన భక్తులకు తేలికపాటి ఆహారం, మంచినీరు అందజేస్తున్నామని తెలిపారు. రానున్న రోజుల్లో భక్తుల తాకిడి మరింత పెరిగే అవకాశం ఉందని.. అందుకు తగిన ఏర్పాట్లు చేస్తున్నామని అధికారులు తెలిపారు.

    భక్త జనసంద్రం శబరిమల

    శబరిమల ఆలయానికి భక్తులు పోటెత్తుతున్నారు. కొవిడ్ కారణంగా రెండేళ్లపాటు వెళ్లలేకపోయిన భక్తులు స్వామివారి దర్శనానికి వరుస కడుతున్నారు. దీక్ష చేసిన వారితో పాటు మాములుగా వెళ్లేవారి తాకిడి ఎక్కువగానే ఉంది. కేవలం నవంబర్ 16 నుంచి డిసెంబర్ 27 వరకు సుమారు 4 కోట్ల మందికి పైగా వస్తారని అంచనా వేస్తున్నారు. ఈ క్రమంలోనే మాలధారణ చేసిన బాలలు తప్పిపోకుండా కేరళ పోలీసులు వేస్తున్న ఆర్ఎఫ్ఐడీ ట్యాగ్ లు ఎంతగానో ఉపకరిస్తున్నాయి.

    శబరిమలకు ప్రత్యేక రైళ్లు

    సికింద్రాబాద్‌ నుంచి కేరళ వెళ్లి వచ్చే శబరిమల భక్తుల కోసం దక్షిణ మధ్య రైల్వే ప్రత్యేక సర్వీసులను నడుపుతోంది. రానుపోను కలిపి 26 ప్రత్యేక రైళ్లను అందుబాటులో ఉంచుతున్నామని వెల్లడించింది. సికింద్రాబాద్‌ జంక్షన్‌ నుంచి కొల్లం, కొట్టాయం వరకు వెళతాయని పేర్కొంది. శబరిమల వెళ్లేవారి సంఖ్య ఎక్కువగా ఉన్న కారణంగా ఇబ్బంది కలగకుండా రైళ్ల సంఖ్యను పెంచినట్లు అధికారులు తెలిపారు. భక్తులు ఈ అవకాశాన్ని సద్వినియోగం చేసుకోవాలని సూచించారు.