ఎన్నికల్లో బీజేపీ, కాంగ్రెస్‌లను గెలిపిస్తే రాష్ట్రం 50 ఏళ్లు వెనక్కి వెళ్తుందని మంత్రి కేటీఆర్ అన్నారు. కరీంనగర్ సభలో కేటీఆర్ మాట్లాడుతూ.. ‘ ఇక్కడ నుంచే తెలంగాణ ఉద్యమానికి బీజం పడింది. కొత్తగా రాష్ట్రం తెలంగాణను రెండు సార్లు కేసీఆర్ చేతిలో పెట్టారు. బీఆర్‌ఎస్ పాలనలో అన్ని వర్గాల్లో మార్పులు వచ్చాయి. గిరిజన ప్రాంతాల్లో రోడ్లు వచ్చాయి. కరెంటు ఉంటుంది. మూడో సారి కూడా బీఆర్‌ఎస్ తప్పక గెలుస్తుంది’ అని కేటీఆర్ ధీమా వ్యక్తం చేశారు.
సామాన్యులకు షాక్ ఇస్తూ ఉల్లి ధరలు మళ్లీ పెరుగుతున్నాయి. గత వారం వరకు రూ.100 కు 6 కేజీలు లభించిన ఉల్లి.. ఉప్పుడు 3 కేజీలు కూడా రావడం లేదు. బహిరంగ మార్కెట్లో కిలో ఉల్లి ధర రూ.40 దాటింది. మహారాష్ట్ర నుంచి ఎక్కువగా ఉల్లి తెలంగాణకు సరఫరా అవుతుంది. ఈ మధ్య ఉత్పత్తి తగ్గడంతో ధరలు పెరుగుతున్నాయి. రాబోయే రోజుల్లో వీటి ధరలు ఇంకా పెరిగే అవకాశం ఉంది. ఉల్లి లేకపోతే ఏ కూర ఉండలేము. వంటగదిలో ఇది నిత్యవసరం. దీంతో ఉల్లి … Read more
సిరిసిల్ల బహిరంగ సభలో సీఎం కేసీఆర్ విపక్షాలపై విరుచుకపడ్డారు. ప్రతిపక్షాలతో పెద్ద ప్రమాదం పొంచి ఉందన్నారు, రైతులంతా అప్రమత్తంగా ఉండాలని సూచించారు. ధరణిని తీసి బంగాళాఖాతంలో వేస్తామని కాంగ్రెస్ పెద్దలు చెబుతున్నారని మడిపడ్డారు. ధరణి రద్దయితే మళ్లీ వీఆర్వోలు వచ్చి పెత్తనం చేస్తారని చెప్పారు. ధరణి పోర్టల్‌ తీసేసి రైతులను ఇబ్బంది పెట్టాలని కాంగ్రెస్ చూస్తోందని ఆరోపించారు.. రైతులంతా అప్రమత్తంగా ఉండాలి. ధరణి ఉండాలో?.. రద్దు కావాలో? రైతులే నిర్ణయించుకోవాలి కేసీఆర్ సూచించారు.
ఏపీ, తెలంగాణ, కర్ణాటక, దిల్లీలో సోదాలపై ఐటీశాఖ వివరణ ఇచ్చింది. మొత్తం 55 చోట్ల సోదాలు నిర్వహించినట్లు తెలిపింది. గుత్తేదారులు, స్థిరాస్తి వ్యాపారుల నివాసాల్లో సోదాలు చేసినట్లు చెప్పింది. ట్యాక్స్ కట్టని రూ.102 కోట్ల విలువైన సొత్తును స్వాధీనం చేసుకున్నట్లు ఐటీశాఖ తెలిపింది. ఇందులో 94 కోట్ల విలువైన నగదు, రూ.8కోట్ల విలువైన బంగారు నగలు ఉన్నట్లు పేర్కొంది.
తెలంగాణ ఎన్నికల్లో పోటీ చేసేందుకు టీడీపీ సిద్ధంగా ఉందని ఆ పార్టీ టీ-టీడీపీ అధ్యక్షుడు కాసాని జ్ఞానేశ్వర్ తెలిపారు. 87 స్థానాల్లో పోటీకి అభ్యర్థులు సిద్దంగా ఉన్నారని పేర్కొన్నారు. తెలంగాణలో రాజకీయ పరిస్థితులపై జైలులో ఉన్న చంద్రబాబుతో చెర్చించినట్లు కాసాని తెలిపారు. రాష్ట్రంలో టీడీపీ బలంగా ఉందని చెప్పారు. జనసేనతో ముందుకెళ్లాలా? లేదా? అనేది చర్చిస్తామని చెప్పారు. త్వరలోనే అభ్యర్థులు ఖరారు, మేనిఫెస్టో విడుదల చేస్తామని కాసాని వెల్లడించారు.
TG: గ్రూప్‌-2 అభ్యర్థిని ప్రవళిక (23) ఆత్మహత్యపై గవర్నర్‌ తమిళిసై సౌందరరాజన్ తీవ్ర దిగ్భ్రాంతి వ్యక్తం చేశారు. ప్రవళిక మృతిపై 48 గంటల్లోగా నివేదిక ఇవ్వాలని సీఎస్‌, డీజీపీ, టీఎస్‌పీఎస్సీ కార్యదర్శిని గవర్నర్‌ ఆదేశించారు. మృతురాలి తల్లిదండ్రులు, కుటుంబ సభ్యులకు ప్రగాఢ సానుభూతి తెలిపారు. నిరుద్యోగుల్లో ఉన్న ఒత్తిడికి ఈ మరణం అద్దం పడుతోందని గవర్నర్‌ అన్నారు. నిరుద్యోగ యువత నిరాశకు లోను కావద్దని, ఉపాధి వేటలో ధైర్యంగా ముందుకెళ్లాలని కోరారు. నిరుద్యోగులకు అండగా ఉంటానని హామీ ఇచ్చారు.
తెలంగాణలో డీఎస్సీ వాయిదా పడింది. అసెంబ్లీ ఎన్నికల నేపథ్యంలో పాఠశాల విద్యాశాఖ ఈ నిర్ణయం ప్రకటించింది. మొత్తం 5,089 ఉపాధ్యాయ ఖాళీల భర్తీకి నవంబరు 20 నుంచి 30 వరకు టీఆర్‌టీ పరీక్ష నిర్వహించేందుకు షెడ్యూల్‌ ప్రకటించిన సంగతి తెలిసిందే. అయితే, నవంబర్‌ 30న ఎన్నికల పోలింగ్‌ నేపథ్యంలో టీఆర్‌టీ పరీక్షలను వాయిదా వేస్తున్నట్టు తాజాగా విద్యాశాఖ ప్రకటించింది.
కాంగ్రెస్ పార్టీపై మంత్రి కేటీఆర్ తీవ్ర విమర్శలు చేశారు. తెలంగాణ ఓటర్లను కొనుగోలు చేసేందుకు కాంగ్రెస్ కర్ణాటక నుంచి డబ్బులు తలిస్తుందని ఆరోపించారు. రేవంత్ రెడ్డి దొంగల ముఠాకు నాయకత్వం వహిస్తున్నాడని విమర్శించారు. కర్ణాటకలో అక్రమంగా సంపాదించిన డబ్బును తెలంగాణ ఎన్నికల్లో ప్రలోభాల కోసం తరలిస్తూ కాంగ్రెస్ నేతలు దొరికిపోయారని కేటీఆర్ ట్వీట్ చేశారు. ‘స్కామ్ గ్రెస్‌’కు తెలంగాణలో చోటు లేదని మంత్రి పేర్కొన్నారు.
అసెంబ్లీ ఎన్నికల్లో పోటీ చేస్తున్న అభ్యర్థుల ఖర్చులపై ఈసీ ప్రత్యేక దృష్టి పెట్టింది. నీళ్ల ప్యాకెట్ నుంచి మొదలుకుని ఆహారం, సభల్లో ఏర్పాటు చేసే భారీ బెలూన్లు, ఎల్‌ఈడీ తెరలకు సైతం ధరలను నిర్ణయించింది. అభ్యుర్థులు ఎన్నికల ఖర్చులను ఈసీకి సమర్పించే ముందు వ్యయంలో కుర్చీలు, టేబుళ్లు, వాహనాల కిరాయి, సాంస్కృతిక కార్యక్రమాల్లో పాల్గొనే కళాకారుల పారితోషికం వివరాలు ఉండాలని ఈసీ స్పష్టం చేసింది. ఎన్నికల ఖర్చులో భాగంగా చికెన్ బిర్యానీ రూ.140, భోజనం రూ.80 సమోసా రూ.10 మాత్రమే ఖర్చుగా లెక్కిస్తామని ఈసీ … Read more
టీపీసీసీ చీఫ్ రేవంత్ రెడ్డిపై మంత్రి కేటీఆర్ ఫైరయ్యారు. కాంగ్రెస్ వాళ్లకు ఎన్నికలంటే ఏటీఎం అని విమర్శించారు. రేవంత్ గతంలో ఓటుకు నోటు, ఇప్పుడు సీటుకు నోటు తీసుకుంటున్నాడని ఆరోపించారు. రేవంత్‌ను రేవంత్ అని పిలవడం లేదని రేటెంత.. రేటెంత.. అని అంటున్నారని ఎద్దేవా చేశారు. కొడంగల్‌లో ఓడిస్తే రాజకీయ సన్యాసం తీసుకుంటానని చెప్పి మళ్లీ పోటీ చేస్తున్నాడన్నాడన్నారు.. 60 ఏళ్లు అధికారంలో ఉన్న తెలంగాణకు ఏమీ చేయలేదని కేటీఆర్ పేర్కొన్నారు.
@2021 KTree