భారీగా పెరుగుతున్న ఉల్లి ధరలు

సామాన్యులకు షాక్ ఇస్తూ ఉల్లి ధరలు మళ్లీ పెరుగుతున్నాయి. గత వారం వరకు రూ.100 కు 6 కేజీలు లభించిన ఉల్లి.. ఉప్పుడు 3 కేజీలు కూడా రావడం లేదు. బహిరంగ మార్కెట్లో కిలో ఉల్లి ధర రూ.40 దాటింది. మహారాష్ట్ర నుంచి ఎక్కువగా ఉల్లి తెలంగాణకు సరఫరా అవుతుంది. ఈ మధ్య ఉత్పత్తి తగ్గడంతో ధరలు పెరుగుతున్నాయి. రాబోయే రోజుల్లో వీటి ధరలు ఇంకా పెరిగే అవకాశం ఉంది. ఉల్లి లేకపోతే ఏ కూర ఉండలేము. వంటగదిలో ఇది నిత్యవసరం. దీంతో ఉల్లి ధరలు పెరగకుండా ప్రభుత్వం చర్యలు తీసుకోవాలని సామాన్యులు కోరుతున్నారు.