‘ప్రవళిక మృతిపై నివేదిక ఇవ్వండి’

TG: గ్రూప్‌-2 అభ్యర్థిని ప్రవళిక (23) ఆత్మహత్యపై గవర్నర్‌ తమిళిసై సౌందరరాజన్ తీవ్ర దిగ్భ్రాంతి వ్యక్తం చేశారు. ప్రవళిక మృతిపై 48 గంటల్లోగా నివేదిక ఇవ్వాలని సీఎస్‌, డీజీపీ, టీఎస్‌పీఎస్సీ కార్యదర్శిని గవర్నర్‌ ఆదేశించారు. మృతురాలి తల్లిదండ్రులు, కుటుంబ సభ్యులకు ప్రగాఢ సానుభూతి తెలిపారు. నిరుద్యోగుల్లో ఉన్న ఒత్తిడికి ఈ మరణం అద్దం పడుతోందని గవర్నర్‌ అన్నారు. నిరుద్యోగ యువత నిరాశకు లోను కావద్దని, ఉపాధి వేటలో ధైర్యంగా ముందుకెళ్లాలని కోరారు. నిరుద్యోగులకు అండగా ఉంటానని హామీ ఇచ్చారు.