తెలంగాణ సర్కారు, గవర్నర్ తమిళిసై మధ్య వివాదం ముదురుతోంది. గణతంత్ర దినోత్సవానికి సంబంధించి తెలంగాణ ప్రభుత్వం కనీసం ప్రసంగ పాఠాన్ని కూడా ప్రభుత్వం పంపలేదని గవర్నర్ తమిళిసై అన్నారు. రాష్ట్రంలో ఏం జరుగుతుందో ప్రజలు గమనిస్తున్నారని పేర్కొన్నారు. “ ప్రజల మధ్య గణతంత్ర వేడుకలు జరగకుండా చేయాలని యత్నించారు. ఓ శ్రేయోభిలాషి కోర్టుకు వెళ్లడంతో వేడుకలు నిర్వహించారు. రెండు నెలల క్రితమే ప్రభుత్వానికి లేఖ రాశాను” అన్నారు.
ముఖ్యమంత్రి కేసీఆర్‌పై గవర్నర్ తమిళిసై చేసిన వ్యాఖ్యలపై భారాస నేతలు మండిపడుతున్నారు. గణతంత్ర దినోత్సవం రోజున రాజకీయాలు మాట్లాడటం తగదని మంత్రి తలసాని శ్రీనివాస్ యాదవ్ అన్నారు. గవర్నర్ రాజ్యాంగ స్ఫూర్తి దెబ్బతీసేలా మాట్లాడారని విమర్శించారు. ఆమె వైఖరిపై రాష్ట్రపతి లేఖ రాస్తామన్నారు. ఎమ్మెల్సీ కవిత కూడా తమిళిసైకి కౌంటర్ ఇచ్చారు. సీఎం కేసీఆర్ కేంద్రాన్ని ప్రశ్నించిన వాటినే మళ్లీ అడిగినందుకు గవర్నర్‌కు ధన్యావాదాలు అంటూ చురకలంటించారు. మైకులు అందగానే విమర్శలు చేయెుద్దూ అంటూ సభాపతి విమర్శించారు.
తెలంగాణలో రాజ్భవన్, ప్రగతి భన్ మధ్య కోల్డ్‌ వార్‌ కొనసాగుతున్నట్లు కనిపిస్తోంది. గణతంత్ర వేడుకలను రాజ్‌భవన్‌లో నిర్వహిస్తున్ననట్లు గవర్నర్ తమిళిసై ప్రకటించారు. ఉదయం పతాకావిష్కరణ చేస్తారు. సాయంత్రం ఎట్‌ హోమ్ కార్యక్రమం నిర్వహిస్తున్నట్లు వెల్లడించారు. ఇక ఎట్‌హోమ్‌కు ప్రభుత్వ వర్గాలు దూరంగానే ఉంటాయని తెలుస్తోంది. గతేడాది కూడా ఇలానే జరిగింది. బడ్జెట్‌ సమావేశాల్లో గవర్నర్ ప్రసంగం ఉండదని సమాచారం.
తెలంగాణ సీఎం కేసీఆర్‌పై గవర్నర్ తమిళిసై సౌందరరాజన్ మరోసారి సంచలన వ్యాఖ్యలు చేశారు. ఖమ్మంలో జరిగిన బీఆర్ఎస్ సభలో పలువురు ముఖ్యమంత్రులు గవర్నర్ వ్యవస్థను విమర్శించిన సంగతి తెలిసిందే. దీనికి తమిళిసై ఘాటుగా రిప్లై ఇచ్చారు.‘‘గవర్నర్ వ్యవస్థను కేసీఆర్ అవమానించారు. గవర్నర్ అంటే ఎందుకు అంత చిన్న చూపు. గవర్నర్ కుర్చీకీ గౌరవం ఇవ్వాలి. ప్రొటోకాల్ పాటించడం లేదు. నేను ఎవరి ఒత్తిడితోనో మాట్లాడటం లేదు.’’ అంటూ తమిళిసై కౌంటర్ ఇచ్చారు.
ఖమ్మంలో BRS పార్టీ బహిరంగ సభలో కేసీఆర్ వ్యాఖ్యలపై గవర్నర్ తమిళిసై సౌందర్‌ రాజన్‌ స్పందించారు. తనను అవమానించేలా సీఎం కేసీఆర్ మాట్లాడారన్నారు. గవర్నర్ వ్యవస్థను సీఎం ఎలా అవహేళన చేస్తారని ప్రశ్నించారు. ప్రొటోకాల్ అంశంపై సీఎం స్పందించాక తాను మాట్లాడతానని గవర్నర్ అన్నారు. ‘‘పాతికేళ్ల నుంచి రాజకీయాల్లో ఉన్నా. ప్రొటోకాల్ ఎలా పాటించాలో నాకు తెలుసు. రిపబ్లిక్‌డే అంశంపై ఇప్పటికీ రాష్ట్ర ప్రభుత్వం నుంచి నాకు సమాచారం లేదు’’ అని తమిళిసై అన్నారు.
శీతాకాల విడిది కోసం హైదరాబాద్ వచ్చిన రాష్ట్రపతి ద్రౌపది ముర్ముకి రాష్ట్ర ప్రభుత్వం ఘన స్వాగతం పలికింది. హకీంపేట వైమానిక కేంద్రంలో ఆమెకు గవర్నర్ తమిళిసై, సీఎం కేసీఆర్, మంత్రులు స్వాగతం పలికారు. పుష్పగుచ్ఛం ఇచ్చి శాలువాతో సత్కరించారు. కార్యక్రమం తర్వాత తమిళిసై, కేసీఆర్ మాట్లాడుకుంటూ నడిచారు. కొద్దిరోజులుగా ఇద్దరి మధ్య సరైన సఖ్యత లేదు. గవర్నర్ చేపట్టిన ఏ కార్యక్రమానికి సీఎం వెళ్లలేదు. చాలారోజుల తర్వాత ఒకే వేదికపై కలుసుకున్నారు.
గవర్నర్ తమిళిసై రాష్ట్ర ప్రభుత్వం మీద సంచలన ఆరోపణలు చేశారు. తన ఫోన్‌ ట్యాప్‌ చేస్తున్నారని, వ్యక్తిగత స్వేచ్ఛకు భంగం కలుగుతోందని ఆందోళన వ్యక్తం చేశారు. సంచలనం సృష్టించిన ఫాంహౌజ్‌ కేసులోకి తననూ లాగే ప్రయత్నం చేస్తున్నారని ఆరోపించారు. అందులో భాగంగానే తన మాజీ ADC తుషార్‌ను ఈ కేసులోకి తెచ్చారని చెప్పారు. విశ్వవిద్యాలయాల ఉమ్మడి నియామక బోర్డుపై న్యాయపరమైన సమస్యలు పరిశీలిస్తున్నానని చెప్పారు. కానీ కావాలనేే విద్యార్థి సంఘాలతో రాజ్భవన్ ముందు ఆందోళనలకు రెచ్చగొడుతున్నారని గవర్నర్ అన్నారు. ఎనిమిదేళ్లుగా ఉద్యోగ నియామకాలు చేయకపోయినా … Read more
తెలంగాణ గవర్నర్ తమిళిసై సౌందర్‌ రాజన్‌ తీవ్ర వ్యాఖ్యలు చేశారు. ఇంట్లో తెలుగు మూలాలు ఉన్నవారికే తన వైఖరి నచ్చట్లేదని ఆమె అన్నారు. కొందరికి మైక్‌ మేనియా ఉందని, తెలంగాణలో గొప్పలు చెప్పేందుకు వీలుకాక తమిళనాడుపై విమర్శలు చేస్తున్నారంటూ…తమిళిసైని ఉద్దేశించి వ్యాఖ్యానిస్తూ డీఎంకే అధికారిక పత్రిక ‘మురసొలి’లో ఓ వ్యాసం ప్రచురితమైంది. దీనిపై స్పందిస్తూ తమిళనాడుపై స్పందించవద్దనడానికి వారెవరని ప్రశ్నించారు. ఇంట్లో తెలుగు రక్తం ఉండి తమిళ వేషం వేసేవారే తన వైఖరిని ప్రశ్నిస్తున్నారని ఎదురుదాడి చేశారు.
టీఆర్ఎస్ సర్కార్‌పై గవర్నర్ తమిళిసై మరోసారి సంచలన వ్యాఖ్యలు చేశారు. తాజాగా గవర్నర్ మాట్లాడుతూ ‘‘ అసెంబ్లీ సమావేశాల్లో పాసైన బిల్లులకు ఆమోదం తెలిపే అంశం నా పరిధిలోనిది. గవర్నర్‌గా నాకు విస్తృత అధికారాలు ఉంటాయి. పెండింగ్‌లో ఉన్న బిల్లులను పరిశీలించి నిర్ణయం తీసుకుంటాను. నేను ఎవరికీ వ్యతిరేకం కాదు. గవర్నర్‌గా నా బాధ్యతను అనుసరించే నిర్ణయాలు తీసుకుంటాను’’ అని పేర్కొన్నారు.
సీఎం కేసీఆర్, తమిళిసై మధ్య అంతరం రోజురోజుకూ మరింత పెరుగుతున్నట్లు కనిపిస్తోంది. గవర్నర్ నిత్యం సీఎం తీరుపై అసంతృప్తి వ్యక్తం చేస్తూనే ఉన్నారు. ఇవాళ మరోసారి ఆమె సీఎం తీరుపై వ్యాఖ్యలు చేశారు. ‘సీఎం కేసీఆర్ 7 గంటలకు వస్తారని సమాచారం ఇచ్చారు. ఎందుకు రాలేదో నాకు తెలియదు, రావట్లేదని సమాచారం కూడా ఇవ్వలేదు’ అంటూ గవర్నర్ వ్యాఖ్యానించారు.
@2021 KTree