హౌసింగ్ బోర్డు, రాజీవ్ స్వగృహ, దిల్ సంస్థలపై తెలంగాణ ప్రభుత్వం కీలక నిర్ణయం తీసుకుంది. హౌసింగ్ బోర్డును శాశ్వతంగా ఎత్తేస్తున్నట్లు ప్రభుత్వం ప్రకటించింది. ఈ బోర్డును ఆర్అండ్‌బీ శాఖలో విలీనం చేస్తున్నట్లు శుక్రవారం ఉత్తర్వులు జారీ చేసింది. అలాగే గృహ నిర్మాణ శాఖ ఆస్తులను, పథకాలను, ఉద్యోగులను కూడా ఆర్అండ్‌బీలో విలీనం చేస్తున్నట్లు స్పష్టం చేసింది. దీనికి సంబంధించి మరిన్ని వివరాలు తెలియాల్సి ఉంది.
తెలంగాణవ్యాప్తంగా కంటివెలుగు రెండో విడత ప్రారంభమైంది. కోటిన్నర మందికి పైగా ఐ స్క్రీనింగ్ చేయాలనే లక్ష్యంతో ప్రభుత్వం ఉంది. ప్రతిగ్రామంలో శిబిరాలు ఏర్పాటు చేసి టెస్టులు చేస్తోంది. మరి చూపు సమస్య ఉన్న బాధితులు శిబిరాలకు ఎలా వెళ్లాలి? రెండో విడత కంటివెలుగుకు ప్రభుత్వం ఎలా సన్నద్ధమైంది? ఈ కార్యక్రమంలో ఏఎన్ఎంల పాత్ర ఏంటి? వంటి విషయాలను తెలుసుకోవడానికి పైన YouSay Web బటన్‌పై క్లిక్ చేయండి.
హైదరాబాద్‌లోని నిమ్స్‌లో అసిస్టెంట్ ప్రోఫెసర్ పోస్టుల భర్తీకి తెలంగాణ ఆరోగ్యశాఖ నుంచి గ్రీన్ సిగ్నల్ లభించింది. 132 అసిస్టెంట్ ప్రొఫెసర్ పోస్టుల భర్తీకి తెలంగాణ ప్రభుత్వం అనుమతి ఇస్తూ జీఓ జారీ చేసింది. త్వరలో ఇందుకు సంబంధించిన నోటిఫికేషన్‌ను డిపార్ట్‌మెంట్ సెలెక్షన్ కమిటీ విడుదల చేయనుంది. విద్యార్హతలు, ఎంపిక విధానం, దరఖాస్తు విధానం గురించి అధికారిక నోటిఫికేషన్‌లో తెలుసుకోవచ్చు. ఈ ఉద్యోగాలను డైరెక్ట్ రిక్రూట్‌మెంట్ ప్రాతిపదికన భర్తీ చేయనున్నారు.
తెలంగాణ ప్రభుత్వానికి ఎన్జీటీ రూ.900 కోట్ల భారీ జరిమానా విధించింది. అనుమతులు లేకుండా పాలమూరు-రంగారెడ్డి, డిండి ప్రాజెక్టులు నిర్మిస్తున్నారంటూ ఈ ఫైన్ వేసింది. రెండు ప్రాజెక్టుల వ్యయంలో 1.5 శాతం జరిమానా విధించింది. ఈ మేరకు ఎన్జీటీ చెన్నై బెంచ్ తీర్పునిచ్చింది. అనుమతులు లేకుండా ప్రాజెక్టు నిర్మాణం చేపడుతున్నారంటూ కోస్గి వెంకటయ్య ఎన్జీటీలో పిటీషన్ దాఖలు చేశారు. ఇదే అంశంపై ఏపీ ప్రభుత్వం కూడా పిటీషన్ వేసింది. ప్రస్తుతం విచారణ చేపట్టి.. జరిమానా విధించింది.
తెలంగాణ ప్రభుత్వానికి ఎన్జీటీ రూ.900 కోట్ల భారీ జరిమానా విధించింది. అనుమతులు లేకుండా పాలమూరు-రంగారెడ్డి, డిండి ప్రాజెక్టులు నిర్మిస్తున్నారంటూ ఈ ఫైన్ వేసింది. రెండు ప్రాజెక్టుల వ్యయంలో 1.5 శాతం జరిమానా విధించింది. ఈ మేరకు ఎన్జీటీ చెన్నై బెంచ్ తీర్పునిచ్చింది. అనుమతులు లేకుండా ప్రాజెక్టు నిర్మాణం చేపడుతున్నారంటూ కోస్గి వెంకటయ్య ఎన్జీటీలో పిటీషన్ దాఖలు చేశారు. ఇదే అంశంపై ఏపీ ప్రభుత్వం కూడా పిటీషన్ వేసింది. ప్రస్తుతం విచారణ చేపట్టి.. జరిమానా విధించింది.
రెండు పడకల గదుల ఇళ్ల పథకంలో వేగం పెంచేందుకు ప్రభుత్వం ప్రయత్నిస్తోంది. రాష్ట్రంలో నిర్మించిన 1.29 లక్షల ఇళ్లకు లబ్ధిదారులను ఎంపిక చేసేందుకు కసరత్తులు ప్రారంభించింది. కొందరికి నామమాత్రంగా కేటాయించినా…కొన్ని ప్రాంతాల్లో ఏళ్లు గడిచినా ఇవ్వకపోవటంపై ప్రజలే ఆక్రమించుకున్నారు. దీంతో గందరగోళ పరిస్థితులు తలెత్తాయి. వీటిని సరిచేసేందుకు ప్రభుత్వం రంగంలోకి దిగింది. లబ్ధిదారుల జాబితా ఇస్తేనే కేంద్రం రూ. 12 వేల కోట్ల నిధులు వస్తాయి.
మధుమేహం, రక్తపోటు రోగులకు తెలంగాణ ప్రభుత్వం ఉచితంగా ఎన్‌సీడీ కిట్లు అందజేస్తోంది. కేసీఆర్ కిట్ల తరహాలోనే చిన్న సైజు బ్యాగులు ఇస్తున్నారు. ఒక నెలకు సరిపడా మందులు, వాటిని ఎలా వాడాలో తెలిపే అవగాహన పత్రం బ్యాగ్‌లో ఉంటాయి. ఈ కిట్లను రాష్ట్రంలోని 7 లక్షల మంది షుగర్ రోగులకు, 20 లక్షల మంది బీపీ పేషంట్లకు ఇవ్వనుంది. ఇప్పటికే పలు జిల్లాల్లో పంపిణీ కార్యక్రమం మొదలైంది.
పదో తరగతి పరీక్షలపై తెలంగాణ సర్కారు కీలక నిర్ణయం తీసుకుంది. ఇక నుంచి ప్రతి విద్యాసంవత్సరం 6 పేపర్లతోనే పరీక్షలు నిర్వహించనున్నట్లు వెల్లడించింది. రెండేళ్లుగా కరోనా వ్యాప్తి వల్ల ఆరు పేపర్ల విధానాన్నే అమలు చేస్తూ వస్తున్నారు. పది పరీక్ష విధానంపై విస్తృతంగా అధ్యాయనం చేసిన SCERT.. 11 పేపర్ల వల్ల విద్యార్థుల్లో ఒత్తిడి పెరుగుతోందని ప్రభుత్వానికి తెలిపింది. 11 పేపర్లకు బదులు ఆరు పేపర్లు పెట్టాలని సూచించింది.
ఉన్నత విద్యాసంస్థల్లో బయోమెట్రిక్ హాజరు తప్పనిసరి చేస్తూ తెలంగాణ సర్కారు ఉత్తర్వులు జారీ చేసింది. ఇంటర్‌, డిగ్రీ, వృత్తి విద్యా కాలేజీలు, వర్సిటీల్లో.. విద్యార్థులు, టీచింగ్, నాన్‌ టీచింగ్ సిబ్బందికి బయోమెట్రిక్ అటెండెన్స్‌ అమలు చేయాలని అధికారులను ఆదేశించింది. బయోమెట్రిక్ విధానం వల్ల టీచింగ్ స్టాప్‌తో పాటు విద్యార్థులు సకాలంలో తరగతులకు హాజరవుతారని ఉత్తర్వుల్లో పేర్కొంది.
తెలంగాణ ప్రభుత్వంపై సుప్రీంకోర్టు ఆగ్రహం వ్యక్తం చేసింది. ఏపీ నుంచి రిలీవ్ అయిన 84 మంది విద్యుత్ ఉద్యోగులకు పోస్టింగ్‌లు ఇవ్వకపోవడంపై అసహనం వ్యక్తం చేసింది. గతంలో ఆదేశించినా ఎందుకు ఇంతవరకు పోస్టింగ్‌లు ఇవ్వలేదని ప్రశ్నించింది. విద్యుత్ శాఖ తీరును కోర్టు దిక్కారణ చర్యగా పరిగణించాల్సి వస్తుందని హెచ్చరించింది. 2 వారాల్లోగా రిలీవ్ అయిన ఉద్యోగులకు పోస్టింగ్‌లు ఇవ్వాలని ఆదేశించింది. ఇదే చివరి అవకాశమని పేర్కొంది.
@2021 KTree