అర్జెంటీనా గెలుపు.. ఫ్రీగా 1,500 బిర్యానీలు

ఫిఫా వరల్డ్‌కప్‌లో అర్జెంటీనా విశ్వ విజేతగా నిలిచిన సందర్భంగా ఓ వ్యక్తి 1,500 బిర్యానీలు ఉచితంగా పంచాడు. కేరళలోని త్రిశూర్ జిల్లాలోని పల్లిమూలకు చెందిన శిబు హోటల్ నిర్వహిస్తున్నాడు. అర్జెంటీనా అభిమాని అయిన ఆయన ఆ జట్టు గెలవగానే 1,500 చికెన్ బిర్యానీలు ఉచితంగా పంచాడు. దీంతో ఆయన హోటల్‌కు జనాలు క్యూ కట్టారు. ఇందుకు సంబంధించిన వీడియోలు నెట్టింట్లో వైరల్‌గా మారాయి. ఉచితంగా బిర్యానీలు పంపిణీ చేయడం సంతోషంగా ఉందని శిబు ప్రకటించాడు.