తెలంగాణ అసెంబ్లీ ఎన్నికల వేళ అధికార పార్టీ బీఆర్ఎస్‌కు వరుసగా షాక్‌లు తగులుతున్నాయి. నిన్న బోథ్ ఎమ్మెల్యే కాంగ్రెస్‌లో చేరగా తాజాగా .. మేడ్చల్ మాజీ ఎమ్మెల్యే మల్లిపెద్ది సుధీర్ రెడ్డి కాంగ్రెస్ పార్టీలో చేరేందుకు సిద్ధమయ్యారు. టీపీసీసీ చీఫ్ రేవంత్ రెడ్డి ఈరోజు సుధీర్ రెడ్డి ఇంటికి వెళ్లి ఆయన్ను పార్టీలోకి ఆహ్వానించనున్నారు. 2014లో బీఆర్ఎస్ తరఫున ఎమ్మెల్యేగా గెలిచిన ఆయనకు 2018లో టికెట్ లభించలేదు. ఆ టికెట్‌ను మల్లారెడ్డికి ఇచ్చారు. అప్పటి నుంచి ఆయన అసంతృప్తిగా ఉన్నారు.