రూ. 21 లక్షల బైక్..15 రోజులకే బూడిద
ఖరీదైన బైక్ కొని..పండగలా బ్యాండ్‌ బాజా పెట్టి ఊరేగింపుగా ఇంటికి తీసుకెళ్లిన బైక్ రెండు వారాలు తిరగకముందే బూడిదైంది. మహారాష్ట్రలోని కొల్లాపూర్‌లో ఈ ఘటన చోటుచేసుకుంది. స్టాక్‌ మార్కెట్లో వ్యాపారం చేసే రాజేశ్‌ చౌగ్లే రూ.21 లక్షలతో దీపావళి సందర్భంగా కవాసాకి నింజా ZX-10 మోడల్‌ బైక్ కొన్నాడు. అప్పుడు అతడు చేసిన హడావుడి స్థానిక మీడియాలో వైరల్ అయింది. అయితే గురువారం రాత్రి అనుమానస్పద రీతిలో ఆ బైక్ దగ్ధమైంది. బైక్‌కు మంటలు ఎలా అంటుకున్నాయో తెలియడం లేదు. పోలీసులు దర్యాప్తు చేస్తున్నారు.
