భుజంపై భార్య మృతదేహంతో భర్త.. మోసుకుంటూ నడక

భార్య మృతదేహాన్నితీసుకెళ్లడానికి అంబులెన్స్‌కు డబ్బులు చెల్లించలేక ఓ భర్త తన [భుజం](url)పై 4 కి.మీ మోసుకెళ్లాడు. ఈ ఘటన ఏపీలోని విజయనగరం జిల్లా గంట్యాడ వద్ద చోటుచేసుకుంది. ఓడిశాలోని కోరాపుట్ జిల్లాకు చెందిన ఈడె సాములు, గురులు భార్యభర్తలు. గురు అనారోగ్యంతో బాధపడుతుండగా ఏపీలోని తగరపువలసలో ఓ ఆస్పత్రిలో చికిత్స తీసుకుని ఆటోలో ఇంటికి బయల్దేరారు. మార్గమధ్యలో గురు తీవ్ర అస్వస్థతకు గురై మరణించింది. ఆటో డ్రైవర్ మృతదేహాన్ని దించి వేసి వెళ్లిపోయాడు. దీంతో సాములు దగ్గర డబ్బులు లేకపోవడంతో తన భార్య మృతదేహాన్ని భుజంపై వేసుకుని 4 కి.మీ నడిచాడు. గంట్యాడ పోలీసులు గమనించి వారికి అంబులెన్స్ ఏర్పాటు చేసి స్వగ్రామానికి తరలించారు.