టీమ్‌ఇండియా ఓపెనర్ శుభ్‌మన్‌గిల్‌పై మాజీ బ్యాటర్‌ ఆకాశ్‌చోప్రా ప్రశంసలు కురిపించాడు. వరల్డ్‌కప్‌ టోర్నిలో గిల్‌ బ్యాట్‌ నుంచి పరుగుల వరద పారుతుందని జోస్యం చెప్పాడు. ‘ఈ టోర్నమెంట్‌ గిల్‌దే కావచ్చు. ఈ టోర్నిలో భారత టాప్‌ త్రీ బ్యాటర్లు రాణించే అవకాశం ఉంది. వీరిలో ఎవరు బాగా ఆడితే వారు రికార్డులు బద్దలు కొడతారు. నా అంచనా ప్రకారం శుభ్‌మన్‌ గిల్‌ భారీ స్కోర్లు చేసే అవకాశం ఉంది. కనీసం రెండు శతకాలు బాదవచ్చు. మూడో శతకం కొట్టినా నేను ఆశ్చర్యపోను’ అని అన్నారు.