ప్రపంచకప్‌లో టీమిండియా ‌అద్భుతంగా ఆడుతోందని దక్షిణాఫ్రికా మాజీ కెప్టెన్ గ్రేమ్ స్మిత్ ప్రశంసించాడు. టోర్నీలో ఇప్పటివరకూ ఎటువంటి కఠినమైన పోటీని భారత్‌ ఎదుర్కోలేదని పేర్కొన్నాడు. ‘ఇంగ్లాండ్‌పై 230 పరుగులు చేసిన తర్వాత టీమిండియా కష్టాల్లో పడ్డట్లు అనిపించింది. కానీ బౌలర్లు అద్భుత ప్రదర్శన చేయడంతో తేలిగ్గా విజయం సాధించింది. గత కొన్నేళ్లుగా స్వదేశంలో భారత్ బలమైన ప్రత్యర్థిగా ఉంది. సొంత గడ్డపై టీమిండియాను ఓడించడం ఎప్పుడూ కష్టమే’ అని స్మిత్ అన్నాడు.