సమంత డెడికేషన్ చూసి ఆశ్చర్యపోయానని యశోద సినిమా స్టంట్ కొరియోగ్రఫర్ యానిక్ బెన్ వెల్లడించాడు. ఈ మేరకు స్టంట్ కొరియోగ్రఫర్ తన అనుభవాలను పంచుకున్నాడు. ‘సాధ్యమైనంత వరకు మేం యాక్టర్ భద్రతకు ప్రాధాన్యమిస్తాం. ముందుగా ఫైట్ మాస్టర్లతో కంపోజ్ చేసి నటీనటులకు ట్రైనింగ్ ఇస్తాం. దీంతో వారికి టైమింగ్ గుర్తుంటుంది. సులువుగా చేయగలరు. సమంత ది బెస్ట్ ఇవ్వడానికే ప్రయత్నిస్తుంది. అలాంటి వారితో పనిచేయడం మంచి అనుభూతిని కల్గిస్తుంది. ఇందులో ఫైట్లన్నీ సహజంగా ఉంటాయి’ అని చెప్పాడు.