వరల్డ్‌కప్‌లో నెదర్లాండ్‌తో జరిగిన మ్యాచ్‌లో అఫ్గనిస్తాన్‌ 7 వికెట్ల తేడాతో ఘన విజయం సాధించింది. 180 పరుగుల లక్ష్యంతో బరిలోకి దిగిన అఫ్గాన్‌.. 31.3 ఓవర్లలోనే 181/3 స్కోరు చేసి టార్గెట్‌ ఛేదించింది. అఫ్గాన్ బ్యాటర్లలో రహ్మత్‌ షా (52), హష్మతుల్లా (56) అర్ధశతకాలతో రాణించారు. అజ్మతుల్లా 31*, ఇబ్రహీం జడ్రాన్‌ 20 పరుగులతో పర్వాలేదనిపించారు. నెదర్లాండ్ బౌలర్లలో లొగాన్‌, రోలోఫ్, జుల్ఫికర్‌ తలో వికెట్‌ పడగొట్టారు. ఈ విజయంతో ఆఫ్గాన్‌ సెమీస్ ఆశలు సజీవంగా ఉన్నాయి.

వరల్డ్‌కప్‌లో అఫ్గనిస్తాన్‌తో జరుగుతున్న మ్యాచ్‌లో నెదర్లాండ్‌ 46.3 ఓవర్లలో 179 పరుగులు మాత్రమే చేసి ఆలౌట్‌ అయ్యింది. నెదర్లాండ్ బ్యాటర్లలో సైబ్రాండ్‌ (58) అర్ధశతకంతో రాణించాడు. మ్యాక్స్‌ 42, కొలిన్‌ అక్కర్‌మన్‌ 29 పరుగులతో పర్వాలేదనిపించారు. మిగిలిన బ్యాటర్లు ఎవరూ చెప్పుకోతగ్గ స్కోరు చేయకపోవడంతో నెదర్లాండ్‌ తక్కువ స్కోరుకే పరిమితమైంది. అటు అఫ్గాన్‌ బౌలర్లలో నబీ 3 వికెట్లు పడగొట్టగా.. నూర్‌ అహ్మద్‌ 2, ముజీబుర్‌ రహ్మన్‌ 1 వికెట్ తీశారు. ఈ మ్యాచ్‌లో అఫ్గాన్‌ విజయానికి 180 పరుగులు అవసరం.