పవన్‌ కళ్యాణ్‌ హీరోగా దర్శకుడు సుజీత్‌ తెరకెక్కిస్తున్న ‘ఓజీ’ చిత్రంపై తాజా అప్‌డేట్ వినిపిస్తుంది. ఇందులో ప్రియాంక అరుల్‌ మోహన్‌ హీరోయిన్‌గా నటిస్తున్న విషయం తెలిసిందే.. ఈ నేపథ్యంలో ఈ సినిమాలో మరో నటుడు భాగస్వామి అయ్యారు. ‘అన్నయ్య’, ‘శివరామరాజు’ తదితర చిత్రాల్లో విభిన్న పాత్రలు పోషించిన నటుడు వెంకట్‌ ‘ఓజీ’లో కీలక పాత్ర పోషిస్తున్నట్లు సమాచారం. కొంతమేర చిత్రీకరణ కూడా అయిందని వార్తలు వస్తున్నాయి. అయితే దీనిపై ఇంకా అధికారిక ప్రకటన వెలువడలేదు.