చియాన్ విక్రమ్ మరో విభిన్న పాత్రలో అలరించబోతున్నాడు. పా రంజిత్ రచించి దర్శకత్వం వహిస్తున్న కొత్త సినిమాలో బోల్డ్‌ లుక్‌లో కనిపించి మరోసారి ఆశ్చర్యపరిచాడు. ఈ సినిమా టైటిల్‌ని ‘తంగలాన్’గా ఫిక్స్ చేసి.. నేడు టీజర్‌ని విడుదల చేశారు. నిజ జీవిత ఘటనలను స్ఫూర్తిగా తీసుకుని ఈ చిత్రాన్ని తెరకెక్కిస్తున్నారు. విక్రమ్‌ లుక్‌ని చూసి ‘నటన కోసం తాను ఎంత సాహసానికైనా వెనుకాడబోనని మరోసారి నిరూపించుకున్నాడు’ అని కామెంట్లు చేస్తున్నారు. కాగా, ఈ చిత్రానికి జీవీ ప్రకాశ్ కుమార్ సంగీతం అందిస్తున్నాడు.