ప్రపంచకప్‌లో భారత్‌-న్యూజిలాండ్‌ మధ్య రేపు సెమీస్‌ మ్యాచ్‌ జరగనుంది. ఈ నేపథ్యంలో అభిమానులు వీక్షించేందుకు ఏపీలో భారీ స్క్రీన్లు ఏర్పాటు చేయనున్నారు. ఆంధ్రా క్రికెట్‌ అసోసియేషన్‌ ఆధ్వర్యంలో విశాఖపట్నం, విజయవాడ, కడప నగరాల్లో ఈ స్క్రీన్లు ఏర్పాట్లు చేస్తున్నారు. రేపు మధ్యాహ్నం 1.30 గంటల నుంచి రాత్రి 11 గంటల వరకు మ్యాచ్‌ ప్రత్యక్ష ప్రసారం ఉంటుంది. విజయవాడలోని మున్సిపల్‌ స్టేడియం, కడపలోని ఆర్ట్స్‌ కాలేజీ మైదానంలో భారీ స్క్రీన్లను ఏర్పాటు చేస్తున్నారు.