‘గుంటూరు కారం’ సినిమా నుంచి హీరోయిన్‌ పూజా హెగ్డేను తొలగించడంపై నిర్మాత నాగవంశీ స్పందించారు. ‘ఈ చిత్రాన్ని తొలుత ఆగస్టులో విడుదల చేద్దామనుకున్నాం. తర్వాత 2024 జనవరి 12కు మార్చాం. దాంతో కంగారులేకుండా నెమ్మదిగా షూటింగ్‌ చేయాలనుకున్నాం. కానీ, అదే సమయంలో పూజా హెగ్డే మరో హిందీ చిత్రంలో నటించాల్సి వచ్చింది. డేట్స్‌ అడ్జస్ట్‌ కాకపోవడంతో ఆమెను రీప్లేస్‌ చేశాం. దానికే కొందరు హంగామా చేశారు. పండగకు రావాల్సిన సినిమాలో ఏయే అంశాలు ఉండాలో అవన్నీ ఇందులో ఉన్నాయి’ అని తెలిపారు.