సంక్రాంతి కానుకగా విడుదలవుతున్న అజిత్ ‘తెగింపు’ చిత్రం ట్రైలర్ విడుదలైంది. ఓ బ్యాంకు రాబరీ చేయడానికి వచ్చిన దొంగగా, పోలీస్ ఆఫీసర్‌గా అజిత్ ట్రైలర్‌లో కనిపించారు. ‘ఒక దొంగ బ్యాంకులోకి చొరబడితే లోపల ఉన్నవాళ్లు ఏం చేయాలంటే.. రూల్ నెం.1 ఎవ్వరూ హీరోలా నటించకూడదు. ఆ పని చేయడానికి నేనున్నాను’ అంటూ చెప్పిన డైలాగ్ ఆకట్టుకుంటుంది. మరి బ్యాంకుకి కన్నం వేయడానికి అజిత్ ఎందుకొచ్చాడు? అంత తెగింపు దేనికోసం చేశాడనేది సినిమాలో చూడాల్సిందే. జిబ్రాన్ సంగీతం అందించగా, హెచ్.వినోద్ దర్శకత్వం వహించాడు.