స్టార్ హీరోయిన్ సమంత నటించిన లేటెస్ట్ పాన్ ఇండియా మూవీ ‘యశోద’ట్రైలర్ అందరినీ ఆకట్టుకుంటోంది. గురువారం విజయ్ దేవరకొండ ఈ చిత్ర తెలుగు ట్రైలర్ రిలీజ్ చేశారు. ట్రైలర్‌ను బట్టి చూస్తే ఈ చిత్రం సరోగసీ నేపథ్యంలో తీసినట్లు అర్ధమవుతోంది. ఈ చిత్రం వచ్చే నెల 11న ప్రేక్షకుల ముందుకు రానుంది. సినిమాలో వరలక్ష్మి శరత్‌కుమార్, ఉన్ని ముకుందన్, రావు రమేష్ తదితరులు నటించారు. ఈ చిత్రానికి హరి, హరీష్ దర్శకత్వం వహించారు.