YSR తెలంగాణ పార్టీ అధ్యక్షురాలు వైఎస్ షర్మిల వర్షంలో తడుస్తు నిరసన తెలిపారు. సూర్యాపేట జిల్లా లక్కవరంలో నిర్వహించిన నిరుద్యోగ దీక్షలో ఉద్రిక్త పరిస్థితి నెలకొంది. ఈ క్రమంలో షర్మిల చేపట్టిన దీక్షకు వ్యతిరేకంగా TRS కార్యకర్తలు నినాదాలు చేశారు. ఈ నేపథ్యంలో ఇరు వర్గాల మధ్య తోపులాట జరిగింది. దీంతో షర్మిల టీఆర్ఎస్ వైఖరిని ఖండిస్తూ నిరసన దీక్షకు పూనుకున్నారు. వర్షంలో సైతం కొనసాగిస్తున్నారు. TRS కార్యకర్తలను అరెస్టు చేయాలని డిమాండ్ చేశారు.